कृष्णजयंती - विष्णूचे आश्वासन

वसुदेवाचा मी तनय होवोनी । गोकुळी प्रगटोनी येतो आतां ॥१॥
तुम्ही सकळ सुर व्हावे गोपवर । तैसे यादववीर व्हावे तुम्ही ॥२॥
तुम्ही व्हावे गाई पशुपक्षी व्हावे । साहायार्थ यावे माझिया की ॥३॥
घेवोनी अवतार मारितो कंसाला । ऐशीया वाणीला प्रगटवी ॥४॥
शेष होईल तो माझा वडिल भाऊ । दोघे आम्ही येऊं रक्षणार्थ ॥५॥
येईल लक्षुमी येतील आयुधे । चरित्र अगाधे करुं आम्ही ॥६॥
भिऊं नका, सुर, मारितो दैत्यांसी । माझ्य़ा वचनासी निर्धारावे ॥७॥
ऐशी विष्णुवाणी तेव्हा प्रगटली । सकळ आनंदली भुवने की ॥८॥
विनायक म्हणे तोच अवतार । गावूं हो साचार आजदिनी ॥९॥