गणेश जयंती - गणपतीचे ध्यान

मायाघर देव सगुण जाणावा । ध्यानांत धरावा तोच सदा ॥१॥
ऐक्य भाव त्यासी जोडोनियां यावा । चित्ताचा करावा तेथे न्यास ॥२॥
चित्त-चिंतामणि गणपति जाण । दाविल सगुण रुपासी तो ॥३॥
आवडीचे रुप चित्तांत बिंबेल । तन्मय होईल चित्त सारे ॥४॥
शुद्ध स्फ़टिकसम चित्तासी ग्रहण । स्वरुप सगुण जोडेल की ॥५॥
चित्त गणपती होवोनी राहिल । अनुभवा येईल ध्यानामाजी ॥६॥
विनायक म्हणे नित्य करा ध्यान । तो गौरीनंदन चित्तीं ठेवा ॥७॥