आकाशाची कुर्‍हाड कोसळणें

मराठी वाक्संप्रदाय - वाक्यप्रचार

   भयंकर दैवी आपत्ति येणें
   निसर्गाचा प्रकोप होणें
   अत्यंत मोठी हानि होणें. विशेषतः एखादा निकटचा आप्त मरून निराश्रित होणें. ‘चिटणीस, तुमच्यावर आज आकाशाची कुर्‍हाड कोसळली आहे.’ -स्वप ४४६. ‘महायुद्धाच्या संकटाचें निवारण करण्याकरतां सरकारासच हिंदुस्थानांत लष्करवाढीची अत्यंत गरज भासत असतां, एका एकी आकाशाची कुर्‍हाड कोसळावी त्याप्रमाणें संघ, व्यायामकवायत, लाठीहल्ला, व गणवेश इत्यादि निरूपद्रवी कार्यक्रमावर बेकायदेशीरपणाची गदा हाणली गेली.’ - केसरी ९-८-४०.