माझें जेवण चुलींत!

मराठी वाक्संप्रदाय - वाक्यप्रचार

   एक बाई सर्वांचा स्‍वयंपाक करून वाढून स्‍वस्‍थ बसे. कोणी ‘जेवीत कां नाही?’ असे विचारल्‍यास, माझे जेवण चुलीत! असे उत्तर देई. त्‍यामुळे त्‍या बाईच्या निःस्‍वार्थीपणाविषयी आदर वाटे. एका माणसाला तिची शंका येऊन ती काय करते हे तो लपून पाहात बसला. कोणी नाहीसे पाहून तिने चुलीत पूर्वीच खुपसून ठेवलेला कणकेचा रोडगा बाहेर काढला व गुढघ्‍यावर मोडून खाऊन टाकला. दुसर्‍या दिवशी त्‍या माणसाने रोडग्‍याऐवजी नकळत दगड ठेवला. तिने नेहमीप्रमाणें रोडगा म्‍हणून काढून गुढघ्‍यावर आपटला. तो गुडगा फुटला ! यावरून निरपेक्षतेपेक्षा ढोंगीपणा माजविणें.