अंगठयास आण लागणें

मराठी वाक्संप्रदाय - वाक्यप्रचार

   संकटांस प्रारंभ होणें
   संकटाचें आगमन झालेलें असणें तथापि मुख्य संकट अद्यापि दूर असणें. रावणाच्या शरीरास दहन करण्यासाठीं प्रथम त्याच्या पायाच्या अंगठयास आग लावली पण तें शरीर इतकें मोठें आहे कीं, प्रत्यक्ष शरीरास आग लावण्यास पुष्कळ अवधि लागणार व अद्यापहि तो अंगठाच जळत आहे अशी समजूत आहे. यावरून संकटांस प्रारंभ झाला तरी मुख्य संकट पुढेंच असणें या अर्थी. प्रेतास अग्नि देतांनाहि प्रथम पायाकडून अग्नि देतात. तेव्हां अंगठयास आग लागली तरी प्रेतास जळण्यास बराच अवकाश लागतो. यावरून संकट येण्यास केवळ आरंभ होणें
   त्याचे परिणाम होण्यास अवधि असणें. ‘ अजून तर तुझ्या अंगठयास देखील आग लागली नाहीं’
   धर्माजी ९१.