TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अनुवादीत साहित्य|धर्मसिंधु|तृतीय परिच्छेद : उत्तरार्ध १|
वर्ज्य ब्राह्मण

धर्मसिंधु - वर्ज्य ब्राह्मण

हिंदूंचे ऐहिक, धार्मिक, नैतिक अशा विषयात नियंत्रण करावे आणि त्यांना इह-परलोकी सुखाची प्राप्ती व्हावी ह्याच अत्यंत उदात्त हेतूने प्रेरित होउन श्री. काशीनाथशास्त्री उपाध्याय यांनी ’धर्मसिंधु’ हा ग्रंथ रचला आहे.

This 'Dharmasindhu' grantha was written by Pt. Kashinathashastree Upadhyay, in the year 1790-91.


वर्ज्य ब्राह्मण

आता वर्ज्य ब्राह्मण सांगतो - क्षय, दमा, मूत्रकृछ्र, भगंदर इत्यादि महारोगांनी युक्त असलेला हीनांग, अधिकांग, काणा, बहिरा, मुका, शत्रु, कितव (जुवेबाज), वेतन घेऊन अध्याय सांगणारा, मित्रद्रोही, दुर्जन, कुनखी, कृष्णवंत, षंढ, माता, पिता, गुरु यांचा त्याग करणारा, चोर, नास्तिक, पापकर्मी, स्नान संध्यादि विहित कर्मांचा त्याग करणारा, नक्षत्रविद्येवर उपजीविका करणारा, वैद्य राजसेवक, गायक, लेखक, व्याजबट्टा करून उपजीविका करणारा, नट, गृहास अग्नी लावणारा, समुद्रगमन करणारा, शस्त्रे करणारा, सोम विक्रय करणारा, पक्षी पाळणारा, परिवेत्ता, दिधिषूचा पति, कुमाराध्यापक, पुत्रापासून विद्या शिकलेला, द्रव्यप्राप्तीस्तव वेदघोश करणारा, ग्रामोपाध्याय, केश व पशु यांचा विक्रय करणारा, शिल्पकाम करणारा, पित्याशी अतिवाद करणारा, शूद्राकडे यजन करणारा, जटाधारी, श्मश्रुहीन, निर्दय, रजस्वला पति, गर्भिणी पति, कुबडा, खुजा, आरक्तनेत्र वाणिज्यावर उपजीविका करणारा, छिन्नोष्ठ, छिन्नलिंग, गुडुमान, ज्वरित, देवलक, विधुर, निरग्नि, शूद्रगुरु, शूद्रशिष्य, दांभिक, गाई, बैल यांचा विक्रय करणारा, रसाचा विक्रय करणारा, वेदनिंदक, वृक्षांची लावणी करणारा, कृपण, सदा याचना करणारा, शेतकीवर उपजीविका करणारा, साधुनिंदित, मेंढे व महिष पाळणारा, पिंगत केश असणारा, वेदाध्ययन विसरलेला, निष्ठुर भाषण करणारा; इत्यादि ब्राह्मण दैवकर्म व पित्र्यकर्म यांस वर्ज होत. धर्मासाठी किंवा उदरनिर्वाहासाठी औषधे करणारा ब्राह्मण निंद्य होय. द्रव्यासाठी सतत तीन वर्षेपर्यंत देवाची पूजा करणारा व देवाचे द्रव्य घेणारा तो देवलक होय. हा सर्व कर्मात वर्ज करावा. हे वचन मनुष्यस्थापित देवताविषयी वाटते. ज्येष्ठ भ्राता, अविवाहित व निरग्निक असता जो कनिष्ठ भ्राता विवाह व अग्निहोत्र धारण करितो तो परिवेत्ता, व ज्येष्ठ परिवित्ती असे जाणावे. ज्येष्ठ भ्रात्याची आज्ञा असल्यास दोष नाही, असे सांगितले आहे. ज्येष्ठ कन्या अविवाहित असून त्या कनिष्ठ कन्येचा विवाह केला ती कनिष्ठ कन्या अग्रयदिधीषु जाणावी व ज्येष्ठ कन्या दिधीषु जाणावी. मूर्तीचा विक्रय करणारा पतित होय व उपजीविकेकरिता परकीयांच्या अस्थि नेणाराही पतित होय. गायन, नृत्य इत्यादिक उपजीविकेसाठी करणे निषिद्ध आहे. भगवप्तीत्यर्थ निषिद्ध नाही.

Translation - भाषांतर
N/A

References : N/A
Last Updated : 2008-06-28T22:43:30.1470000

Comments | अभिप्राय

Comments written here will be public after appropriate moderation.
Like us on Facebook to send us a private message.

मुसळास-ला अंकुर फुटणें

  • शक्य कोटींतील पण अत्यंत असंभवनीय अशी कांहीं एक गोष्ट घडून येणें. ‘ बिसव्याच्या जगदेवराव पाटलांच्या खुनाच्या खटल्यांत न्यायाधिशांनीं संशयाचा फायदा देऊन सर्व आरोपी सोडले तरी पुन्हा त्यानंतर खरे गुन्हेगार शोधण्याची कोशीस करण्यांत आली तसा प्रयत्न हैद्राबादच्या मोगली न्याय खात्याकडून बिदर दंग्यांतून खरे गुन्हेगार शोधून काढण्याची अपेक्षा करणें म्हणजे मुसळाला अंकुर फुटण्याची अपेक्षा करणें होय. ’ -केसरी १६-७-४०. 
  • असाध्य आजार इ. मधून बरें होऊन पूर्वीप्रमाणें व्यवहार करुं लागणें. 
RANDOM WORD

Did you know?

If the rituals after the death are not performed what are the consequences?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.