TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

संग्रह ८१ ते १००

लहान लहान पण यमकबद्ध अशा वाक्यरचनेतून स्त्रिया आपल्या पतीचे नाव कुशलतेने गुंफून घेतात, त्या प्रकाराला उखाणा म्हणतात.


संग्रह ८१ ते १००

८१.

इकडून वारा तिकडून वारा मध्यें पावसाच्या धारा

x x x राव बसले कचेरीला वरुन पडती गारा.

८२.

मला नाहीं कळत मी आहें साधी

x x x रावांचें नांव घेतें सर्व मैत्रिणींच्या आधी.

८३.

माझा नमस्कार फुकाचा मिळालेला आशिर्वाद लक्ष मोलाचा

x x x रावांचा संसार होवो सुखाचा.

८४.

काळी चंद्रकळा खसखशी कांठ

x x x रावांच्या नावांसाठीं केला समारंभाचा थाट.

८५.

चौकोनी टेबलावर रुमाल टाकतें विणून

x x x रावांच्या नांवासाठी आग्रह केला म्हणून.

८६.

देव मंदिरांत रत्नांच्या राशी

x x x रावांचं नांव घेते समारंभाच्या दिवशी.

८७.

पंगतींतल्या पानापुढें उदबत्तीचा वास

x x x रावांचं नांव घेत मी देतें जिलेबीचा घास.

८८.

सोन्याची वाटी, चांदीचा गडू

x x x रावांना घांस देतें बुंदीचा लाडू.

८९.

देवाची करणी नारळांत पाणी माझें मन

x x x रावांच्या चरणीं.

९०.

आंबाच्या झाडाला कोवळीं कोवळीं पत्रीं

x x x रावांच्या डोक्यावरती मोत्यांची छत्री.

९१.

चोहोकडे चार लावल्या समया मध्यें आंथरलें आसन

x x x राव बसले पुजेला तर लक्ष्मी झाली प्रसन्न.

९२.

गंधानीं भरले कचोळे त्यांत पडली मसूर त्यांच्या घराण्यांत

x x x राव चतूर.

९३.

आवळीच्या झाडावर पंचरंगी पक्षी

x x x रावांचं नांव घेतें चंद्र्सूर्य साक्षी.

९४.

रत्नजडित सिंहासन भोंवताली मरवा

x x x राव बसले पुजेला मी देतें दुवा.

९५.

समोर होतें तळें, त्यांत होतीं कमळें, त्यावर होता भुंगा, माझा निरोप

x x x रावांना सांगा.

९६.

रंगीत पाट, चांदीचे ताट

x x x रावांचं नांव घेतें सोडा मला वाट.

९७.

विष्णूला प्रिय गाय महादेवाला प्रिय नंदी

x x x रावांचं नांव घेण्यास अशीच यावी संधी.

९८.

सोन्याची वाटी, चांदीचा चमचा

x x x रावांचं नांव घेण्यास आग्रह फार तुमचा.

९९.

हिमालय पर्वतावर बर्फाचे खडे

x x x रावांचं नांव घेतें सत्यनारायणापुढें.

१००.

फुलांची वेणी गुंफीतो माळी

x x x नांव घेतें हळदीकुंकवाच्या वेळीं.

Translation - भाषांतर
N/A

References : N/A
Last Updated : 2008-01-11T21:02:42.2530000

Comments | अभिप्राय

Comments written here will be public after appropriate moderation.
Like us on Facebook to send us a private message.

allantoic bladder

  • पु. Zool. अपरापोषिकाशय 
RANDOM WORD

Did you know?

vastudoshavar udakshant ha paryay ahe ka ?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site