TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

संग्रह ४१ ते ६०

लहान लहान पण यमकबद्ध अशा वाक्यरचनेतून स्त्रिया आपल्या पतीचे नाव कुशलतेने गुंफून घेतात, त्या प्रकाराला उखाणा म्हणतात.


संग्रह ४१ ते ६०

४१.

कांचेच्या ग्लासांत गुलाबी सरबत

x x x रावांच्या वाचून मला नाहीं करमत.

४२.

मसाल्याची सुपारी चांदीच्या वाटींत

x x x रावांना ठेवीन म्हणतें मी माझ्याच मुठींत.

४३.

शुक्राची चांदणी उगवली ढगांत, जाऊ द्या मला घरीं

x x x राव आहेत रागांत भारी.

४४.

उगवला सूर्यंदेव, जगाचा राजा

x x x रावांचं नांव घेतें पहिला नंबर माझा.

४५.

सोन्याच्या कर्णफुलांना मोत्यांचे झुबे

x x x रावांची वाट पहात सारें गांव राहिलें उभें.

४६.

कांचेची तसबीर धक्क्यानें फुटली

x x x रावांच्या करतां मोटार बोदवडची सुटली.

४७.

साखरेची करंजी लाल झाली सपीटा सारणानें

x x x रावांचे नांव घेतें संक्राती कारणानें.

४८.

राजवरकी बांगडी मोल करी किंमतीनें

x x x रावांच्या राज्यांत दिवस जातो गंमतीनें.

४९.

वर्तमानपत्रांत लिहून आली वार्ता

x x x रावांचें नांव घेतें तुमच्या म्हणण्याकरितां.

५०.

पौर्णिमेच्या दिवशी चंद्र होता ढगांत

x x x रावांची कीर्ती पसरली जगांत.

५१.

चतुर्थीच्या दिवशीं मी निवडतें दुर्वा

x x x रावांच्या जिवावर शालू नेसतें हिरवा.

५२.

पूजेच्या साहित्यांत उदबत्यांचा पुडा

x x x रावांच्या जिवावर भरतें हातभर चुडा.

५३.

काळ्या चंद्रकळेवर तार्‍यासारख्या टिकल्या

x x x रावांच्या मळयांत खूप तुरी पिकल्या

५४.

काळ्या चंद्रकळेवर नक्षत्रासारखे ठिपके

x x x रावांच्या हातांत गुलाबाचे झुबके.

५५.

गाईच्या शिंगाना लावला सोनेरी रंग,

x x x राव बसले कामाला कीं, होतात त्यांतच दंग.

५६

गाण्याच्या मैफलींत पेटीचा सूर,

x x x रावांच्या भेटीसाठी जनलोकांचा पूर.

५७.

आईन वाढवल , वडिलांनी पढवलं ,

x x x रावांची होतांच सोन्यानं मढवलं.

५८.

दारापुढं वृंदावन त्यांत तुळशीचं झाड,

x x x रावांच्या गुणापुढं दागिन्यांचा काय पाड.

५९.

करवतकांठी धोतर आणि डोक्याला पगडी

x x x रावांची स्वारी पहिलवानासारखी तगडी.

६०.

वैशाखाच्या महिन्यांत उन्हाळ्याचा जोर

x xx घराण्यात राव पुरुष थोर.

Translation - भाषांतर
N/A

References : N/A
Last Updated : 2008-01-11T21:02:40.2300000

Comments | अभिप्राय

Comments written here will be public after appropriate moderation.
Like us on Facebook to send us a private message.

अंबवण

  • न. १ अंबोण पहा . ' अधरपान आंबवणें । गाढा लिंगनीं मिळवणें । ' - मुआदि १५ . ११८ . २ आंबवण्याकरितां घालण्यांत येणारा पदार्थ ( पिठांत , कोड्यांत , तंबाखूत ताक , लिंबाचा रस इ० ) विरजण . ( सं . अम्ल + वन = पाणी ) 
  • n  A fattening mash for cows, &c. 
  • नस्त्री . ( कों .) नाव वल्हवितांना नावडी जें गातें गातात तें ; चुकवा . ( का . अंबी = नांव ; अंबिग ;= नावाडी ?) 
  • न. आवण ; आमण ; गाडीच्या चाकाच्या तुंब्याच्या तोंडांत , आंतील आखानें तुंबा झिजूं नये म्हणून जें लोखंडी वाटोळें कडें घालतात तें . 
RANDOM WORD

Did you know?

Why the marriages are prohibited within same Gotra?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site