१४१.
गणपतीला दुर्वा, शंकराला बेल
x x x रावांच्या घरीं वाढेल वंशवृक्षाचा वेल.
१४२.
आंबाच्या वनांत कोकीळा करी कूजन
x x x रावांचें नांव घेतें झालें लक्ष्मीपूजन.
१४३.
माहेरच्या परिसरांत वेंचले मी ज्ञानकण
x x x रावांचें नांव घेऊन सोडतें मी गुंफलेलं कंकण.
१४४.
शंकराचा सोमवार, गणपतीची चतुर्थी, माझ्या ह्रुदयांत कोरली
x x x रावांची सुंदर मूर्ती.
१४५.
संसाररुपी सागरांत देहाची केली होडी
x x x रावांच्या घरांत शोभते x x x ची जोडी.
१४६.
भारतीय युद्धांत कृष्णांनीं सांगितली गीता
x x x रावांचं नांव घेतें मी x x x त्यांची कांता.
१४७.
मृग नक्षत्रांत आनंदानं नाच करतो मोर
x x x रावांच्या जिवावर लावीन कुंकवाची कोर.
१४८.
हिंदमातेच्या गळ्यांत स्वातंत्र्यफुलांची जाळी
x x x रावांचं नांव घेतें बारशाचे वेळीं.
१४९.
पेटी तबला शिकतां शिकतां वाजवली सतार
x x x रावांच्या संसारांत धन्य झालें मी फार.
१५०.
ज्योतिबा फुले यांनीं घेतला स्त्रीशिक्षणाचा कैवार
x x x रावांच्या घरीं मन रमवितो माझा संसार.
१५१.
नको मोतीं, नको चंद्रहार
x x x रावांचं नांव हाच माझा अलंकार.
१५२.
चंद्रोदयाला येती समुद्राला भरती
x x x रावांना बघून सारे श्रम हरपती.
१५३.
गोदावरी कांठची मुलगी कृष्णाकांठीं आली
x x x रावांच्या नांवाचं मंगळसूत्र ल्याली.
१५४.
चांदीच्या कढईंत कढविलं तूप
x x x रावांचं दिसतं त्यांत कृष्णासारखं रुप.
१५५.
वासांत वास घ्यावा केशराचा
x x x रावांच्या नांवाचा आग्रह आहे फुकाचा.
१५६.
आंब्याच्या झाडावर कोकिळा करितें कुंजन
x x x रावांच्या मूर्तीचें माझ्या अंतरीं चाले पूजन.
१५७.
पुण्यापासून मुंबईपर्यंत लावल्या आगगाडीच्या तारा
x x x रावांना मागतें औक्ष देवापाशीं शंभरावर सतरा.
१५८.
आंत जाते, बाहेर येतें, घडयाळ्यांत वाजला एक
x x x रावांचं नांव घेतें बाबरांची लेक.
१५९.
राधाकृष्णाची मूर्ति पहातें मी आरशांत
x x x रावांचं नांव घेतें घरच्या बारशांत.
१६०.
हिंदमातेच्या डोक्यावर मोत्यांची जाळी
x x x रावांचं नांव घेतें डोहाळजेवणाचे वेळीं.