२१.
ठाण्याच्या डोंगरावर फुलला पळस
x x x रावांच्या छत्रीला सोन्याचा कळस.
२२.
झारी झारी पाउस लागे मोत्यांच्या धारा
x x x रावांच्या छत्रीला लावला पोवळ्यांचा तुरा.
२३.
मुंबईपासून पुण्यापर्यंत पेरला लसूण
x x x राव गेले रुसून तर आणतें त्यावर बसून.
२४.
दारीं होता कोंबडा त्यांत होता पैका
x x x रावांचं नांव घेतें सर्वजण ऐका.
२५.
आदघर मधघर मदघरांत घालीत होतें वेणी तिकडून आले
x x x राव त्यांनीं फेकली गुलाबदाणी.
२६.
कांचेची फुलदाणी धक्क्यानें फुटली उठा उठा
x x x राव तुमची माझी शपथ सुटली.
२७.
आमच्या मागच्या दारीं आहे द्राक्षांचा वेल
x x x राव बसले पुजेला मी देतें बेल.
२८.
आदघर मदघर, मदघरांत होती चूल चुलीवर होता तवा, त्यावर भाजला रवा
मी जातें माहेराला सासूबाई तुमी
x x x रावांना जीव लावा.
२९.
पुणेरी तांगा, मद्रासी घोडें,
x x x रावांचे नांव घेतें सत्यनारायणाच्या पुढें.
३०.
हुंडयावर गुंडा, गुंडयावर परात
x x x राव बसले पुजेला तिकडून जा घरांत.
३१.
रामासारखे पुत्र जन्मले कौसल्येच्या कुशीं
x x x रावांचे नांव घेतें आनंदाच्या दिवशीं.
३२.
तुळशीला घालतें प्रदक्षिणा, विष्णूला करतें नवस
x x x रावांचें नांव घेतें आज आनंदाचा दिवस.
३३.
जाई जुईच्या फुलांची माळी गुंफितो जाळी
x x x रावांचें नांव घेतें संध्याकाळच्या वेळीं.
३४.
दारापुढें ओटा, ऒटयावर लावली तुळस
x x x रावांच्या घरीं होईल संसार सुखाचा कळस.
३५.
करंज्या, पुर्यांनीं भरला रुखवत
x x x रावांनी माझा हात धरला सर्वांच्या देखत.
३६.
उभी होतें माडीला ऊन लागलें साडीला चांदीचीं घुंगरं
x x x रावांच्या गाडीला.
३७.
वाण घेतां घेतां माथ्यावर आलं ऊन
x x x रावांना सांगतें राहावं जपून.
३८.
इकडून डोंगर, तिकडून डोंगर, मध्यें भालू कुत्रं भुंकतं
x x x रावांना पाहून माझं डोकं उठतं.
३९.
बैठकीच्या खोलींत चांदीचा गल्लास
x x x रावांच्या जीवासाठी मी आपला जीव केला खल्लास.
४०.
कांचेचं घंगाळ, गुलाबाचं पाणी,
x x x रावांचं नांव घेतें मोहनराणी.