TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

संग्रह ६१ ते ८०

लहान लहान पण यमकबद्ध अशा वाक्यरचनेतून स्त्रिया आपल्या पतीचे नाव कुशलतेने गुंफून घेतात, त्या प्रकाराला उखाणा म्हणतात.


संग्रह ६१ ते ८०

६१.

श्रावणाच्या महिन्यांत जिकडे तिकडे पाणी

x x x रावांच्या भेटीसाठी मी झाले आतुर चातकपक्षावाणी.

६२.

नांवामध्ये आहे काय, नका हट्ट धरुं

x x x रावांच्या नांवाचा उखाणा चांगलासा जूळत नाही त्याला मी काय करुं ?

६३.

घरोघरी त्याचपरी, कोणाला सांगायच काय

x x x रावांच्या आज्ञेशिवाय पुढे टाकत नाही पाय.

६४.

सोन्याच्या घागरी गुलालांनी घासल्या

x x x रावांच नांव घेतां सख्या सगळ्या हंसल्या

६५.

नको गोट पाटल्या , नको पिळाची सरी

x x x रावांच्या जीवावर काळी गळसुरी बरी.

६६.

कौलारु घर त्याला मुरुमाची भर, अंबीरशाही फेटा ,नारळी पदर

x x x रावांच्या चेहर्‍याकडे पाहतांना थांबत नाही नजर.

६७.

कल्चर मोत्याला सुईसारखे वेज

x x x रावांच्या चेहर्‍यावर सूर्यासारखं तेज.

६८.

साजूक तुपांत नाजूक चमचा

x x x रावांचं नांव घेते आशीर्वाद तुमचा

६९.

दशक नको, सुट्टे नको , अंक मोजा साठ

x x x रावांचं नांव घेऊन बांधते आठवणीची गांठ .

७०.

सोन्याची सुपली मोत्यानं गुंफली

x x x रावांची राणी कामाला गुंतली.

७१.

निसर्गाच्या अंतरंगात पावित्र्याचा सुवास

x x x रावांच्या जोडीनं करीन आयुष्याचा प्रवास.

७२.

लता डोले, फूल डोले, डोले वनश्री

x x x रावांचं नांव घेतें x x x भाग्यश्री.

७३.

लक्ष्मी शोभते दानानं, विद्या शोभते विनयानं

x x x च्या जीवावर मी राहतें मानानं.

७४.

यमुनेच्या तीरावर कृष्ण वाजवतो पावा, बाळानं उजळला

x x x रावांच्या वंशाचा दिवा.

७५.

जीवनाच्या प्रवासांत कधीं दुःखाचं ऊन्ह तर कधी सुखाचा पाऊस

x x x रावांचं नांव घेतें सासूबाईनीं केली मंगळागौरीची हौस.

७६.

कमळांत उभी लक्ष्मी, मोरावरची सरस्वति

x x x रावांचं नांव घेतें

x x x भाग्यवती.

७७.

भारतमातेच्या पूजेला स्वदेशप्रेमाची पत्री

x x x रावांचं नांव घेतें मंगळागौरीच्या रात्रीं.

७८.

गंगा यमुना सरस्वति येऊन मिळाल्या थेट, संसाराच्या सारीपाटावर

x x x न्‌ x x x ची झाली भेट.

७९.

संसाररुपी सागरांत उसळल्या लाटा

x x x रावांच्या सुखदुःखांतमाझा अर्धा वाटा.

८०.

पाण्याचे हंडयावर फुलांचे झांकण

x x x रावाचे हातांत सोन्याचें कांकण.

Translation - भाषांतर
N/A

References : N/A
Last Updated : 2008-01-11T21:02:41.2030000

Comments | अभिप्राय

Comments written here will be public after appropriate moderation.
Like us on Facebook to send us a private message.

शेम्न

  • न. ( ग्राम्य ) शेमणे ; शिस्न ; पुरुषांचे जननेंद्रिय . 
RANDOM WORD

Did you know?

Gharamadhye Shriramachi ani marutichi pooja karavi ka ? baykani keli tar chalate ka ?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.