श्रुत्यै नमोऽस्तु शुभकर्मफलप्रसूत्यै
रत्यै नमोऽस्तु रमणीयगुणाश्रयायै ।
शक्त्यै नमोऽस्तु शतपत्रनिकेतनायै
पुष्टयै नमोऽस्तु पुरुषोत्तमवल्लभायै ॥१३७॥
मम न भजनभक्तिः पादयोस्ते न रक्ति-
र्न च विषयविरक्तिर्ध्यानयोगेन शक्तिः ।
इति मनसि सदाहं चिन्तयन्नाद्यशक्ते
रुचिरवचनपुष्पैरर्चनं संचिनोमि ॥१३८॥
सरसिजनिलये सरोजहस्ते धवलतरांशुकगन्धमाल्यशोभे ।
भगवति हरिवल्लभे मनोज्ञे त्रिभुवनभूतिकरिप्रसीद मह्यम् ॥१३९॥
विष्णुपत्नीं क्षमां दैवीं माधवीं माधवप्रियाय् ।
विष्णुप्रियसखीं देवीं नमाम्यच्युतवल्लभाम् ॥१४०॥
सर्वमङगलमाङ्गल्ये शिवे सर्वार्थसाधिके ।
शरण्ये त्र्यम्बके गौरि नारायणि नमोऽस्तुते ॥१४१॥