आज्ञापत्र - पत्र ४९

कदाचित कोण्ही मामलेदार स्थळास संकट जालें म्हणोन स्थळ गनिमास देऊन आपला जीव वांचऊन तो गनिमाकडे गेला तरी तो यत्नेंकरुन हस्तगत होय ते गोष्ट करावी. अगदी हातास न लागे तरी त्याचे लेक गुलाम करावे. बायका बटकी कराव्या, त्यासहि विष अथवा मारेकरी घालोन हरप्रयत्नें तेथील तेथें मारवावा. जर सामान सरलें, उपराळा राहिला, धण्याचा हात न पावें यैसे जाहलियावरी निदानी मामलेदारांनी गड गनिमांस देऊन गनिमाकडे गेला त्याचीं मुले-लेकरें सोडावी, त्यास घरीं बसवावा. स्थळाचा उपाय करील तरी करुन द्यावा. कितीकां दिवसांउपरीं हरयेक मामला सांगावा.