आश्लेषादि जन्मनक्षत्रांचीं फळें .
आश्लेषाख्यसमुत्पन्नौ श्वश्रूं कन्यासुतौ हत : ।
मूलजौ श्वशुरं हंति ज्येष्ठोत्था स्वधवाग्रजम् ॥६७॥
खालीं लिहिलेले अपवाद खेरीज करून आश्लेषानक्षत्रावर जन्मलेली कन्या अथवा पुत्र हीं आपल्या विवाहानंतर आपल्या सासूला वाईट असतात . मूलनक्षत्रीं जन्मलेली कन्या किंवा पुत्र सासर्‍याला वाईट असतात . ज्येष्ठानक्षत्रोत्पन्न कन्या आपल्या वडील दिराला वाईट आणि विशाखानक्षत्रीं जन्मलेली कन्या धाकटया दिराला वाईट असते , असें मानिलेलें आहे . वाईट म्हणजे क्लेश देणारी असें समजावें .
आश्लेषादि नक्षत्रांचे अपवाद .
आश्लेषाप्रथमः पादः पादो मूलांतिमस्तथा ।
विशाखाज्येष्ठयोराद्यास्त्रय : पादा : शुभावहा : ॥६८॥
आश्लेषाचा पहिला चरण , मूळनक्षत्राचा शेवटचा चरण आणि विशाखा व ज्येष्ठा या दोन नक्षत्रांचे पहिले तीन चरण यांवर कन्या किंवा पुत्र यांचा जन्म झाला असतां शुभ होय , म्हणजे त्यांच्या ठिकाणीं वर लिहिलेले दोष नसतात असें समजावें . अनिष्ट मंगळ व दुष्टनक्षत्रीं जन्म हें प्रथम पाहून नंतर अष्टविधमैत्री पहावी .