अनर्चितं वृथामांसं केशकीटसमन्वितम् ।
शुक्तं पर्युषितोच्छिष्ठं श्र्वस्पृष्टं पतितेक्षितम् ॥१६७॥
उदक्या स्पृश्टसंघुष्टं पर्यायान्नं च वर्जयेत् ।
गोध्रांत शकुनोच्छिष्टं पदास्पृष्टं च कामतः ॥१६८॥
अन्नं पर्युषितं भोज्यं स्नेहाक्तं चिरसंस्थितम् ।
अस्नेहा अपि गोधूमयवगोरसविक्रियाः ॥१६९॥
संधिन्यनिर्दशावत्सागोपयः परिवर्जयेत् ।
औष्ट्रमैकशफं स्रैणमारण्यकमथाविकम् ॥१७०॥
देवतार्थ हविः शिग्रुं लोहितान्व्रश्र्चनांस्तथा ।
अनुपाकृतमांसानि विड्जानि कवकानि च ॥१७१॥
क्रव्यादपक्षिदात्यूहशुकप्रतुदटिट्टिभान् ।
सारसैकशफान्हंसान्सर्वांश्र्च ग्रामवासिनः ॥१७२॥
कोयष्टिपल्लवचक्राह्वबलाकाबकविष्किरान् ।
वृथाकृसरसयावपायसापूपशष्कुलीः ॥१७३॥
कलविकं सकाकोलं कुररं रज्जुदालकान् ।
जालपादान्खञ्जरीटानज्ञातांश्र्च मृगाद्विजान् ॥१७४॥
चाषांश्र्च रक्तपादांश्र्च सौनं वल्लूरमेव च ।
मत्स्यांश्र्च कामतो जग्ध्वा सोपवासस्त्र्यहं वसेत् ॥१७५॥
पलाण्डुं विड्वराहं च छत्रांक ग्रामकुक्कुटम् ।
लशुनं गृञ्जनं चैव जग्ध्वा चान्द्रायणं चरेत् ॥१७६॥
भक्ष्याः पञ्चनखाः सैधागोधाकच्छपशल्लकाः ।
शशश्र्च मत्स्येष्वपि हि सिंहतुडिकरोहिताः ॥१७७॥
तथा पाठीनराजीवसशल्काश्र्च द्विजातिभिः ।
अतः शृणुध्वं मांसस्य विधिं भक्षणवर्जिते ॥१७८॥
प्राणात्यये तथा श्राद्धे प्रोक्षितं द्विजकाम्यया ।
देवान्पितृन्समभ्यर्च्य खादन्मासं न दोषभाक् ॥१७९॥
वसेत्स नरके घोरे दिनानि पशुरोमभिः ।
संमितानि दुराचारो यो हन्त्यविधिना पशून् ॥१८०॥
सर्वान्कामानवाप्रोति हयमेधफलं तथा ।
गृहेऽपि निवसन्विप्रो मुनिर्मासविवर्जनात् ॥१८१॥