मिशीचा केंस गहाण ठेवणें

मराठी वाक्संप्रदाय - वाक्यप्रचार

   एक चांगला प्रामाणिक माणूस होता. तो सावकाराकडे जाऊन उसने पैसे मागूं लागला. सावकारानें गहाण काय ठेवतां असें विचारतां त्यानें मिशीचा एक केंस काढून दिला
   सावकारानें त्याची पत ओळखून पैसे दिले. हें कळल्यावर दुसरा सावकाराकडे येऊन त्याच तारणावर, नव्हे सर्व मिशा काढून देण्याच्या बोलीनें पैसे मागूं लांगला
   पण सावकाराला त्याचा विश्वास येत नव्हता
   तेव्हां त्यानें पैसे देण्याचें नाकारलें. यावरुन अब्रुदार प्रामाणिक माणसाला तारण लागत नसते, त्यांची जबान हीच पुरें असते.