नाकचें मोतीं ठेवून गहाण, राखी जांवयाचा मान

मराठी वाक्संप्रदाय - वाक्यप्रचार

   जांवयाचा बडेजाव करण्याकरितां जरुर तर नथ गहाण टाकावी. जांवयापुढें आपला कमीपणआ व्यक्त नये म्हणून स्वतःवर आपत्ति ओढवून, कर्ज काढूनहि सासूसासरा जांवयाची बडदास्त ठेवतात. सासू जांवयाचें इतकें कौतुक करते कीं, जांवयाची सरबराई करण्याकरितां व त्याचें आदरातिथ्य करण्याकरितां आपली नथ सुद्धां गहाण टाकल्यास कमी करीत नाहीं. वास्तविक सौभाग्यती स्त्रिया नाकांतली नथ सहसा दूर करीत नाहींत, बाहेर पडावयाचें झालयचे नथ घातल्याशिवाय बाहेर जात नाहींत. ही आतांपर्यंतची स्थिति व समजूत होती.