कोकणात नारळ फुकट मिळतात (परंतु खर्च फार)

मराठी वाक्संप्रदाय - वाक्यप्रचार

   एखादी वस्‍तु जेथे पिकते तेथे ती स्‍वस्‍त मिळाली म्‍हणून तशी सर्वत्र मिळते असे नाही व ती मिळविण्यास बाहेरच्या मनुष्‍यास जो त्रास पडतो तो किंमतीपेक्षाहि अधिक असतो. तु०-लंकेत सोन्याच्या विटा. एका मनुष्‍यास नारळ पाहिजे होता म्‍हणून तो बाजारात गेला. तेथे दुकानदारास किंमत विचारतां त्‍याने चार पैसे सांगितले. तेव्हां त्‍याने तीन पैशास नाही का देत म्‍हणून विचारले. तेव्हां वाण्याने सांगितले की पुढच्या गांवास तीन पैशास मिळतात. तेथे गेल्‍यावर त्‍याने दोन पैशास नारळ मागितला. तेव्हां तेथील वाण्यानें आणखी पुढील गांवास दोन पैशास मिळतात असे सांगितले. तेव्हां त्‍या गांवास गेल्‍यावर त्‍याने एक पैशास मागताच त्‍या वाण्याने आणखी पुढे जावयास सांगितले. तेथे गेल्‍यावर त्‍याने नारळ फुकट कोठे मिळतात असे विचारतांच, वाण्याने कोकणात मिळतात असे सांगितले. त्‍याप्रमाणें तो कोकणात गेला. तेथे नारळांच्या बागा होत्‍या. तेथे एकाने त्‍यास झाडावर चढून नारळ काढून नेण्यास सांगितले. तेव्हां तो झाडावर चढून जो नारळ तोडावयास जातो तो त्‍याचे पाय झाडाचे पाय सुटले व तो नारळ हातांत धरून लटकत राहिला व अखेरीस खाली असलेल्‍या विहीरीत पडला !