अंधळ्या बहिर्‍याची गांठ

मराठी वाक्संप्रदाय - वाक्यप्रचार

   अंधळ्याला दिसत नाहीं म्हणून व बहिर्‍याला ऐकूं येत नाहीं म्हणून अंधळ्यानें किती ओरडून सांगितलें किंवा बहिर्‍यानें कितीहि हावभाव करुन दाखविले तरी त्याचा परस्परांस कांहीं उपयोग होत नाहीं
   त्यामुळें अशा प्रकारें परस्परांस आपला हेतु कळवितां येत नाहीं. असे लोक एकत्र येऊन कांहीं उपयोग नाहीं. तेव्हां ज्या गोष्टी एकत्र आल्यानें कांहीं एक कार्य होऊं शकत नाहीं त्यांचा एकत्र येऊन काय उपयोग ? एक दुबळा दुसर्‍या दुबळ्याला मदत करुं शकत नाहीं. उलट घोटाळाच होतो.