भगीरथ प्रयत्न करणें

मराठी वाक्संप्रदाय - वाक्यप्रचार

   इक्ष्वाकु वंशांतील भगीरथ राजानें आपले पूर्वज सगरपुत्र यांस मोक्ष मिळावा याकरितां दीर्घ तपश्चर्या करुन स्वर्गातून गंगेला भू लोकावर आणली, या महाभारतांतील कथेवरुन अत्यंत दीर्घपरिश्रम करुन एखादें अचाट कार्य करणें
   अत्यंत कष्टदायक असें कार्य तडीस नेणें. ‘ भगीरथ प्रयत्नांनीं शरदच्या प्रेमाचा ओघ भाईसाहेबांकडे वळविलाच पाहिजे. ’ -एकच प्याला, अंक ५, प्रवेश १. ‘ तथापि तुमची खटपट म्हणजे हा एक भगीरथ यत्न आहे, असें म्हटल्यावांचून रहावत नाहीं. ’ -शिसं २.१.