फांटा फुटणें

मराठी वाक्संप्रदाय - वाक्यप्रचार

   वेड लागणें. ‘ वीरभद्र म्हणे तूं काय करिशी । मरणकाळीं फांटा फुटला तुजशीं । ’ - नव ७.३९.
   फांकणें
   प्रसार होणें. ‘ जैसें डोळयां अंजन भेटे । ते वेळीं दृष्टीसी फांटा फुटे । ’ -ज्ञा १.२३.
   एका कामांतून दुसरें काम निघणें. ‘ तुका म्हणे वाटे । नको फुटूं देऊं फांटे ॥ ’
   वेगळा मार्गं, प्रकार, शाखा होणें. ‘ अति कठिण अव्हांटा चोखटा होति वाटा । हरिगुणकथनाचा फूटला ज्यास फांटा ॥ ’ -सारुह ४.७५.