देणें तसें घेणें, देव तसें धुपाटणें

मराठी वाक्संप्रदाय - वाक्यप्रचार

   आपण जशी परमेश्वराची भक्ति करावी तशी तो आपणावर कृपा करुन प्रसाद देतो व जसा देव अनुकूल प्रतिकूल असेल त्या मानानें त्याची पूजा होते व पूजेचीं उपकरणेंहि त्याच प्रकारचीं असतात. ज्या देवापासून लाभ होत असेल त्याची आपण भक्तिभावानें व बहुमोल उपचारांनी पूजा करतों ज्या मनुष्यापासून आपणास लाभ होतो त्याची आपण त्या प्रमाणांत स्तुति करतों.