आम्ही दोघी बहिणी, डोंगराच्या आड। पत्र खुशालीचे धाड।

मराठी वाक्संप्रदाय - वाक्यप्रचार

   (दादाराया इ०) (झोपाळ्यावरची ओवी) कोकणांत प्रचलित असणार्‍या झोपाळ्यावरील गाण्यांतील ही एक ओवी आहे. ही ओवी लग्न झालेल्या मुली भावाला उद्देशून म्हणतात. बहिणी बहिणी लग्नापूर्वी जरी एकत्र राहिल्या असल्या तरी लग्न झाल्यानंतर त्या दूर होतातच
   तेव्हां निदान माहेरची खुशाली त्यांना कळली पाहिजे. याकरितां ओवी म्हणतांना बहिणी ती इच्छा भावाजवळ व्यक्त करीत आहेत.