TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|अनुवादीत साहित्य|धर्मसिंधु|तृतीयपरिच्छेद : पूर्वार्ध १|
नमन

धर्मसिंधु - नमन

हिंदूंचे ऐहिक, धार्मिक, नैतिक अशा विषयात नियंत्रण करावे आणि त्यांना इह-परलोकी सुखाची प्राप्ती व्हावी ह्याच अत्यंत उदात्त हेतूने प्रेरित होउन श्री. काशीनाथशास्त्री उपाध्याय यांनी ’धर्मसिंधु’ हा ग्रंथ रचला आहे.
This 'Dharmasindhu' grantha was written by Pt. Kashinathashastree Upadhyay, in the year 1790-91.


नमन

ज्याचें मुख निष्कलंक चंद्राप्रमाणें आहे. अज्ञानी जनांनीं ज्याला नमन केलें असतां तें निष्फल होत नाहीं, श्रीवत्स, कौस्तुभ आणि लक्ष्मी हीं ज्याच्या वक्षस्थळावर शोभत आहेत आणि ज्याच्या चरणकमलांच्या आश्रयानें थोर साधु आनंद पावतात, त्या पांडुरंगाला मी वंदन करतों.

ज्याला भीमा नदी प्रिय आहे, जो करुणेचा सागर, तत्काल प्रसन्न होणारा दीनेच्छा पुरविणारा, पातकसमूहसागराचें शोषण करणारा, रुक्मिणीचें मन आकर्षण करणारा व हृदयांत राहाणारा-परम पुरुष पांडुरंगाला मी नमन करतों.

पातकांचा नाश करुन कल्याण करणारा असा जो शंकर, त्याला मी नमस्कार करतों. तो आपला वरदहस्त माझ्या मस्तकावर रात्रंदिवस ठेवो. पार्वती, विघ्नेश गणराज, ब्रह्मदेव आणि सरस्वती या सर्वांना मी प्रणिपात करतों.

श्रीलक्ष्मी, गरुड, शेष, प्रद्युम्न, ईश, हनुमान्‌, श्रीसूर्य, चंद्र, मंगळ, बुध, शुक्र, शनि, कार्तिकस्वामी, इंद्रादिदेव, गुरु, माता, अनन्त नांवाचा बाप व माध्वादिक जे श्रेष्ठ, त्या सर्वांना नमस्कार करुन, मी हा धर्माब्धिसार नांवाचा ग्रंथ रचितों.

जुने व नवे असे पूर्वींचे ग्रंथ पाहून, विशेषतः त्यांतलीं मूलवचनें सोडून, त्यांचे अर्थ मात्र मी अज्ञानी (जिज्ञासू) जनाकरितां लिहितों.

पहिल्या व दुसर्‍या परिच्छेदांत क्रमानें कालनिर्णय सांगून, गृह्यसूत्रांना मान्य असणारे जे गर्भाधानादि संस्कार व धर्म, ते आतां सांगतों. दयाळु सत्पुरुषांचा माझ्यावर अनुग्रह असो. अनन्तोपाध्यायांचा पुत्र मी काशीनाथ, यांत जो निर्णय सांगतों आहें, त्याचा विद्वानांनीं (विचारपूर्वक) शोध करावा.

Translation - भाषांतर
N/A

References : N/A
Last Updated : 2008-05-09T03:23:38.9970000

Comments | अभिप्राय

Comments written here will be public after appropriate moderation.
Like us on Facebook to send us a private message.

destitution

  • स्त्री. निराधारता 
  • स्त्री. निराश्रितता 
RANDOM WORD

Did you know?

Request for Anagha Ashtami Puja vrat Sagrasangit Puja
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.