TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!
मराठी मुख्य सूची|मराठी साहित्य|लोकगीते|अंगाईगीत|संग्रह १|

अंगाईगीत - पहिल्या दिवशीं आनंद झाला ...

मोजक्या आणि शेलक्या शब्दांचा वापर करून निर्माण झालेलें अंगाईगीत काव्य प्रामाणिकपणें मनांत आलेल्या आईच्या भावनेचा आविष्कार करते.


अंगाईगीत

पहिल्या दिवशीं आनंद झाला । मोत्या पवळ्यांनीं धर्म वो केला ।

हत्तीवरी ती अंबारी घाला । जू जू रे जू जू जू ॥

दुसर्‍या दिवशीं खांदली न्हाणी । पाणी घालीती बारा ग जणी ।

पुत्र राज्याला झालावो धनी । जू जू रे जू जू जू ॥

तिसर्‍या दिवशीं तिसरडं करिती । हातीं सोन्याची आरती घेती ।

घडोघडीला शरण जाती । हरिनामाची पूजा करिती । जू जू रे जू जू जू ॥

चवथ्या दिवशीं डाग धडविती । वाक्या बिंदल्या बाळा आणीती ।

कानींचा डूल सरी घडविती । आपुल्या घरीं सोनार बोलवीती । जू जू रे जू जू जू ॥

पांचव्या दिवशीं वाजली घंटा । बळीराम बसले चांदीच्या पाटा ।

आनंद झाला पंचांग वाचा । जू जू रे जू जू जू ॥

सहाव्या दिवशीं करिती सहावं । येण्या जाण्याला असावा भाऊ ।

माय बापाचं राखावं नांव । जू जू रे जू जू जू ॥

सातव्या दिवशीं सटवीचा फेरा । अक्षरं पाडिती सखी सुंदरा ।

तेत्तीस कोटी देवा मारी हाकारा । जू जू रे जू जू जू ॥

आठव्या दिवशीं आठवी चौकी । गोपा बाळाला न्हाऊं घालीती ।

तान्या बाळाला नवती खुलती । सख्या जमुनी जागृत करीती । जू जू रे जू जू जू ॥

नवव्या दिवशींचा बाळ ग राजा । दहा खंडीचा होईल राजा ।

चंद्र सूर्याचा लावील तेजा । धन्य माऊली पुत्र ग तुजा । जू जू रे जू जू जू ॥

दहाव्या दिवशींचा माझा ग बाळ । बाई वंशाला आलंया फळ ।

मायबापाला क्षेत्र दावीलं । जू जू रे जू जू जू ॥

अकराव्या दिवशीं अकरावा थाट । उदबत्त्या लावील्या तीनशेंसाठ ।

सडा रांगूळी केलीया दाट । बाळ खेळला सारंग पाट । जू जू रे जू जू जू ॥

बाराव्या दिवशीं बारसं करिती । गोरगरीबां आवातनं देती ।

थोरा मोठ्यांच आहेर येती । हौसेनं नांव श्रीकृष्ण ठेविती । जू जू रे जू जू जू ॥

तेराव्या दिवशीं पाळणा बांधा । मोत्या पवळ्यांच्या झालरी सोडा ।

माय बापांनीं झोका ग दिला । नऊ महिन्यांचा शीण तो गेला । जू जू रे जू जू जू ॥

Translation - भाषांतर
N/A

References : N/A
Last Updated : 2007-12-25T23:42:35.4500000

Comments | अभिप्राय

Comments written here will be public after appropriate moderation.
Like us on Facebook to send us a private message.

निर्विवेक

  • a  Undiscriminating. 
RANDOM WORD

Did you know?

जननशांती म्हणजे काय ? ती केव्हा करावी ?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site