TransLiteral Foundation
मराठी मुख्य सूची|मराठी साहित्य|लोकगीते|अंगाईगीत|संग्रह १|

अंगाईगीत - पहिल्या मासीं पैला मासुळा...

मोजक्या आणि शेलक्या शब्दांचा वापर करून निर्माण झालेलें अंगाईगीत काव्य प्रामाणिकपणें मनांत आलेल्या आईच्या भावनेचा आविष्कार करते.


अंगाईगीत

पहिल्या मासीं पैला मासुळा । गर्भनारीचा ग रंग पिवळा ।

पिंड घडवीतो हरी सावळा । जू बाळा जू जू रे जू

दुसर्‍या मासीं पदर बंद । हिरव्या चोळीवर काढीला चांद ।

मायबापाला झाला आनंद । जू बाळा जू जू रे जू

तिसर्‍या मासीं कंताला ठावं । हळदीकुंकवा लल्लाटीं ल्यावं ।

वटी भरूनी खोबरं घ्यावं । जू बाळा जू जू रे जू

चवथ्या मासीं कुसवा चढ । अन्नपाणी तिला लागला गोड ।

पिकल्या पानाच बांदाव विड । जू बाळा जू जू रे जू

पांचव्या मासीं पांच फेरानं । बाळ देवीला जातं शरन |

सांडल मोतीं घ्यावं भरून । जू बाळा जू जू रे जू

सहाव्या मासीं सायास करितें । चोळी पातळ इच्छा पुरवीतें ।

पोटीं पुत्र मी मागून घेतें । जू बाळा जू जू रे जू

सातव्या मासीं नवस केला । खेळणा पाळणा वाहीन तुला ।

सोन्याचीं घुंगरं वाहीन तुला । जू बाळा जू जू रे जू

आठव्या मासीं आठवी प्रीती । पंचारती घेऊन देवीला जाती ।

बाळाचा नवस फेडूनी येती । जू बाळा जू जू रे जू

नवव्या मासीं हुरदं दुखती । दाईला बोलावून आणा म्हणती ।

पोलादी इळा दाईच्या हातीं । कडू लिंबाचा काडा पाजीती ।

जू बाळा जू जू रे जू

दहाव्या मासीं जायफळ सोळा । बालाच्या मुखांत अफूचा गोळा ।

बाळा लागलाय कलीचा वारा । जू बाळा जू जू रे जू

आकराव्या मासीं म्हायारीं जाती । अंगडं टोपडं घेऊनी येती

पोटीच्या पुत्रानं इच्छा पुरवीती । जू बाळा जू जू रे जू

बाराव्या मासीं बारसं करीती । थोरामोठ्यांना आवातनं देती ।

पोथीपुस्तक वाचून पहाती । बाळाचं नांव गोविंद ठेवीती ।

जू बाळा जू जू रे जू

Translation - भाषांतर
N/A

References : N/A
Last Updated : 2007-12-25T23:28:47.7400000

Comments | अभिप्राय

Comments written here will be public after appropriate moderation.
Like us on Facebook to send us a private message.

essential feature

  • अत्यावश्यक लक्षणविशेषता 
RANDOM WORD

Did you know?

घरातील देव्हारा पूर्व पश्चिम कां ठेवतात, इतर दिशा कां वर्ज्य?
Category : Hindu - Traditions
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site