तत्र रत्नादिभिस्सार्द्ध भूमि च त्दृदये न्यसेत । तत्तद्गर्भ हि तस्यैव नीरन्ध्रं वज्रलेपकैः ।
लिप्तोऽथ शांतितोयेन प्रोक्ष्योल्लिख्योक्तवत्ततः ॥१२१॥
ततस्तेजोभि ( वि ) धांशक्तिं कलितासनरुपिणीम ।स्थापयेच्च सुलग्ने तु दैवज्ञोक्ते मुहुर्तके ॥१२२॥
अथात संप्रवक्षामि मण्डपानां लक्षणम मण्डपान प्रवरान वक्ष्ये प्रासादस्यानुरुपतः ॥१२३॥
विविधा मण्डपाः कार्याः श्रेष्ठमध्यकनीयसः । नामतस्तान प्रवक्ष्यामि श्रृणुध्वं द्विजसत्तमाः ॥१२४॥
पुष्पकः पुष्पभद्रश्च सु वृत्तोऽमृतनन्दनः । कौशल्यो बुद्धिसंकीर्णो गजभद्रो जयावहः ॥१२५॥
श्रीवृक्षो विजयश्चैव वास्तुकोऽर्णश्रुतन्धरः । जयभद्रो विलासश्च सश्लिष्टः शत्रुमर्दनः ॥१२६॥
भाग्यपञ्चौ नन्दनश्च भानवो मानभद्रकः । सुग्रीवो हर्षणश्चैव कर्णिकारः पदाधिकः ॥१२७॥
सिहश्च यामभद्रश्च शत्रुघ्नश्च तथैव च । सप्तविंशतिराख्याता लक्षणं श्रृणुत द्विजाः ॥१२८॥
स्तम्भा यत्र चतुष्षष्टिः पुष्यकः स उदात्दृतः । द्वाषष्टिः पुष्पभद्रस्तु षष्टिस्तु वृत्त उच्यते ॥१२९॥
स्तंभोऽष्टपञ्चाशद्वापि कथ्यतेऽमृतनन्दनः । कौशल्योऽथ द्विपञ्चाशच्चतुःपंचशतात्पुनः ॥१३०॥
नाम्ना तु बुद्धिसंकीर्णो द्विहिनो राजभद्रकः । जयावहस्त्रिपंचाशच्छ्रीवत्सस्तु द्विहिनकः ॥१३१॥
द्वात्रिंशद्धर्षणो ज्ञेयः कर्णिकारश्च विंशतिः । पदद्विकोऽष्टाविंशतिभिर्द्वरष्टो सिंह उच्यते ॥१३२॥
द्विहिनो यामभद्रस्तु शत्रुघ्नश्च निगद्यते । यामभद्रः क्वचित्प्रोक्तो द्वादशस्तम्भसंयुतः ॥१३३॥
मण्डपाः कथिता ह्येते यथावल्लक्षणान्विताः । त्रिकोणवृत्त मध्ये तु अष्टकोणं द्विरष्टकम ॥१३४॥
चतुष्कोणं च कर्तव्यं संस्थानं मण्डपस्य तु । राज्य़ं च विजयं चैव आयुर्वर्द्धनमेव च ॥१३५॥
पुत्रलाभः श्रियः पुष्टिः स्त्रीपुत्रादि क्रमद्भवेत । एवन्तु शुभदः प्रोक्तः अन्यथा तु भयावहः ॥१३६॥
इति वास्तुशास्त्रे प्रासादविधानं नाम षष्ठोऽध्यायः ॥६॥