शतकृत्य करणें

मराठी वाक्संप्रदाय - वाक्यप्रचार

   शंभर यज्ञ केले असतां इंद्रपदाची प्राप्ति होतें अशी समजूत आहे. यामुळें इंद्रास शतक्रतु असें म्हणतात. याकरितां इंद्रपदाच्या आशेनें आतांपर्यत अनेकांनीं शंभर यज्ञ करण्याचा प्रयत्न केला पण मध्यंतरीं इद्रानें विघ्न केल्यामुळें कोणीच यशस्वी झाला नाहीं. ( ल.) पराक्रम करणें. ‘ कुंजपुरा गारदीच्या मदतीनें तुमच्या हातीं लागला, म्हणून तुम्ही कोणता मोठा शतक्रतु केलात ?’ -पामो १८९. ‘ आम्ही राजांनीं प्रजांचें हरएक जुलमापासून रक्षण करावें, हा आमचा धर्म आहे. तो आम्हीं पाळिला, तर मोठा शतक्रतु केला असें नाहीं.’ -मधुमक्षिका. ‘ आपण कांहीं मोठें शतकृत्य केलें असें मात्र समजूं नको.’ -उग्र ४-४.