लंकेंत सोन्याच्या विटा

मराठी वाक्संप्रदाय - वाक्यप्रचार

   लंकेंत पुष्कळ सोनें असलें तरी खर्चहि पुष्कळ. तेव्हां त्याचा आपणांस काय उपयोग ? मिळकतीप्रमाणें खर्चहि जास्त या अर्थानें वापरतात. [ लंकेंत एका हजामतीला एक सोन्याची वीट मिळते असें ऐकल्यावरुन खूप श्रीमंत होण्यासाठीं एक न्हावी लंकेला गेला. तेथें त्याला हजामतीसाठीं सोन्याच्या विटा मिळूं लागल्या खर्‍या
   पण किरकोळ सामानासाठींहि विटाच खर्चाव्या लागत. तेव्हा जास्त मिळकत तसा जास्त खर्च होऊं लागून सांपत्तिक स्थिति पूर्वीचीच. ]
   ‘ अतिपरिचयात् अवज्ञा ’ याअर्थी. लंकेंत सोन्याला मोठीशी किंमत नाहीं. ‘ शहाबादी शिळांचा कोणत्या कामा करतां उपयोग करावयाचा यासंबंधीं मलखेडच्या रहिवाश्यांचा विवेक सुटल्या सारखा भासला. घरावरील आच्छादन, याच शिलांचें, घरांना कुसवाच्या भिंती याच शिलांच्या, शेतांना कुंपणें याच शिलांचीं व सबंध घरच्या घर केवळ याच शिलांचें बनविलेलें, लंकेंत न्हाव्याला हजामतीबद्दल द्यावयाचें नाणें म्हणजे सोन्याच्या विटा व पायखान्यास लावावयासहि सोन्याच्याच विटा ! ’ -केसरी १३-३-४२.