कावळ्याच्या गळ्यांत कंकोत्री

मराठी वाक्संप्रदाय - वाक्यप्रचार

   कावळ्याबरोबर आमंत्रण पाठविणें. कबुतरे त्‍यांच्या गळ्यात चिठ्ठी बांधली असतां शिकविल्‍याप्रमाणें योग्‍य स्‍थळी ती पोचती करतात
   पण ती विद्या कावळ्यास येत नसल्‍यामुळे किंवा त्‍याच्या अंगी तो गुण नसल्‍यामुळे, त्‍याच्या गळ्यात बांधलेली चिठ्ठी इष्‍ट स्‍थानी पोचणें शक्‍य नाही. यावरून भलत्‍याच गोष्‍टींचे साहाय्यानें इष्‍ट साध्य करूं पाहिल्‍यास ते साधत नाही. एखाद्यास खरोखर आमंत्रण द्यावयाचे नसले किंवा मनापासून एखादी गोष्‍ट करावयाची नसली, पण ती न केल्‍याचा दोष मात्र येऊं द्यावयाचा नसला, म्‍हणजे निमित्ताकरितां कशीतरी करून टाकून अंगावेगळी करणें.