एक पाय तळ्यांत नि एक पाय मळ्यांत

मराठी वाक्संप्रदाय - वाक्यप्रचार

   दोन दगडीवर हात ठेवणें
   दुटप्पी वर्तन अंगिकारणार्‍या माणसाबद्दल म्हणतात. अनिश्र्चित स्वरूपाची स्थिति. ‘पंडित नेहरू यांची स्थिति एक पाय तळ्यांत, एक पाय मळ्यांत अशी स्थिति आहे.’ -केसरी २७-६-३९. ‘एक पाय तळ्यांत नि एक पाय मळ्यांत अशा स्थितींत आज मुसोलिनी उभा आहे. त्यामुळे ब्रिटन फ्रान्स ही दोस्त राष्ट्रें आणि जर्मनी आपापल्या परीने त्याला आपल्या बाजूला वळवून घेण्याचा प्रयत्‍न करीत आहेत.’ -केसरी ३०-४-१९४०. [ लहान मुलांचा सुसर-तळ्याचा खेळ आहे
   त्यांत एका अंगणात एक मोठा मळा आहे असे समजून खडूने वर्तूळ काढतात. त्या वर्तुळांत ज्यावर राज्य आले असेल त्याने सुसर म्हणून उभे राहावयाचें व सर्व बाजूंनी इतर मुलांनी तळ्यांत पाय देऊन जावयाचे. तळ्यांत पाय असतांना सुसरीने पकडल्यास राज्य जावयाचे. अशा वेळी मुले सुसरीच्या सर्व बाजूंनी पण तिला चुकवून एक पाय तळ्यात व एक मळ्यात अशी मधून मधून उभी राहतात व हे अथवा ‘सुसरीणबाई तुझी पाठ मऊ’ अशा प्रकारचे गाणे गातात.].