TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

प्रासंगिक कविता - संभाजीस उपदेश

समर्थ रामदास स्वामींचा जन्म औरंगाबाद जिल्ह्यात सन १६०८, शके १५३० रोजी झाला.  


समर्थांनीं पत्रद्बारें केलेला
अखंड सावधान असावें । दुश्चित कदापि नसावें । तजवीजा करीत बसावें । एकांत-स्थळीं ॥१॥
कांहीं उग्र स्थिति सांडावी । कांहीं सौम्यता धरावी । चिंता लागावी परावी । अंतयामीं ॥२॥
मागील अपराध क्षमावे । कारभारी हातीं धरावे । सुखी करून सोडावे । कामाकडे ॥३॥
पाणवठीं तुंब निघेना । तरी मग पाणी चालेना । तैसें सज्जनांच्या मना । कळलें पाहिजे ॥४॥
जनाचा प्रवाह चालिला । म्हणजे कार्यभाग आटोपला । जन ठायीं ठायीं तुंबला । म्हणजे खोटें ॥५॥
श्रेष्ठीं जें जें मिळविलें । त्यासाठीं भांडत बैसले । मग जाणावें फावलें । गुलामांसी ॥६॥
ऐसें सहसा करूं नये । दोघे भांडतां तिसर्‍यासी जाये । धीर धरोन महत्कार्य । समजून करावें ॥७॥
आधींच पडली धास्ती । म्हणजे कार्यभाग होय नास्ती । याकारणें समस्तीं । बुद्धि शोधावी ॥८॥
राजी राखितां जग । मग कार्य-भागाची लगबग । ऐसें जाणोनियां सांग । समाधान राखावें ॥९॥
सकल लोक एक करावें । गलीम निवटून काढावे । ऐसें करितां कीर्ति धांवे । दिंगतरीं ॥१०॥
आधीं गाजवावे तडाके । मग भूमंडळ धाके । ऐसें न होतां धक्के । राज्यासी होती ॥११॥
समय प्रसंग ओळखावा । राग निपटून काढावा । आला तरी कळों न द्यावा । जनांमध्यें ॥१२॥
राज्या-मध्यें सकळ लोक । सलगी देऊन करावे सेवक । लोकांचे मनामव्यें धाक । उपजोंचि नये ॥१३॥
बहुत लोक मिळवावे । एक विचारें भरावे । कष्टें करोनि घसरावें । म्लेंच्छांवरी ॥१४॥
आहे तितुकें जतन करावें । पुढें आणिक मिळवावें । महाराष्ट्र राज्य करावें । जिकडे तिकडे ॥१५॥
लोकीं हिंमत धरावी । शर्तीची तरवार करावी । चढती वाधती पदवी । पावाल येणें ॥१६॥
शिवराजास आठवावें । जीवित्व तृणवत्‍ मानावें । इहलोकीं परलोकीं राहावें । कीर्तिरूपें ॥१७॥
शिवराजाचें आठवावें रूप । शिवराजाचा आठवावा प्रताप । शिवराजाचा आठवावा साक्षेप । भूमंडळीं ॥१८॥
शिवराजाचें कैसें चालणें । शिवराजाचें कैसें बोलणें । शिवराजाची सलगी देणें । कैसें असे ॥१९॥
सकळ सुखांचा त्याग । करूनि साधिजे तो योग । राज्यसाधनाची लग-बग । कैसी असे ॥२०॥
त्याहून करावें विशेष । तरीच म्हणावें पुरुष । याउपरी आतां विशेष । काय लिहावें ॥२१॥

॥ प्रासंगिक कविता संपूर्ण ॥
॥ एकूण प्रासंगिक कविता संख्या ॥४०५॥


Translation - भाषांतर
N/A

References : N/A
Last Updated : 2014-04-02T04:03:45.2970000

Comments | अभिप्राय

Comments written here will be public after appropriate moderation.
Like us on Facebook to send us a private message.

भद्रा (काक्षीवती)

  • n. पूरुवंशीय व्युषिताश्व राजा की पत्नी, जो कक्षीवान् राजा की कन्या थी । यह अत्यंत रुपवती थी । पति के मृत्यु के बाद, उसके शव से इसे सात पुत्र पैदा हुए [म.आ.१२०.३३-३६] 
RANDOM WORD

Did you know?

नैमित्तिक पूजा म्हणजे काय? त्या कोणकोणत्या?
Category : Hindu - Puja Vidhi
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.

Status

  • Meanings in Dictionary: 644,289
  • Dictionaries: 44
  • Hindi Pages: 4,328
  • Total Pages: 38,982
  • Words in Dictionary: 302,181
  • Tags: 2,508
  • English Pages: 234
  • Marathi Pages: 22,630
  • Sanskrit Pages: 11,789
  • Other Pages: 1

Suggest a word!

Suggest new words or meaning to our dictionary!!

Our Mobile Site

Try our new mobile site!! Perfect for your on the go needs.