अखंड द्वादशी
एक तिथिव्रत. एकादशीस उपवास. द्वादशीस विष्णुपूजा. व्रतावधी एक वर्ष.
फल - धर्मकृत्यातले न्यून पूर्ण होते.
* अशोकाद्वादशी
तिथिव्रत. आश्विन शु. दशमीपासून प्रारंभ. यात केशवाची पूजा करायची असते. त्यादिवशी अल्पाहार, एकादशीस उपवास व द्वादशीस पारणा असा याचा विधी आहे. व्रतावधी एक वर्ष -
फल - आरोग्यलाभ व शोक-मुक्ती.
*कौमुदीव्रत
एक विष्णुव्रत. आश्विन शु. द्वादशीस व्रताचा प्रारंभ. त्या दिवशी कमळांनी विष्णूपूजा, त्रयोदशीस वैष्णवक्षेत्राची यात्रा, चतुर्दशीस उपवास व जागरण, पौर्णिमेला विष्णुपूजा व
'ॐ नमो नारायणाय, ॐ नमो वासुदेवाय'
या मंत्राचा जप, असा या व्रताचा विधी आहे.
फल -वैकुंठप्राप्ती.