रामचंद्राचीं आरती - दशरथे रामचंद्रा कौसल्या प...

दशरथे रामचंद्रा कौसल्या प्रियसुता ।
ओंवाळूं प्रेमभावें जगताचा तूं पिता ॥ धृ. ॥
भक्तांतें तोषवाया अवतरसी रघुवरा ।
प्रेमानें पूजिती जे वर देसी त्यां नरां ॥
घेतांची नाम तुझें सुख झाले शंकरा ।
संकटि तू धांव घेई विनवितो अच्युता ॥ १ ॥
दशवदना मर्दुनिया सोडविले सुरवरा ।
घेउनिया जानकिला आलासी निजपुरा ॥
तोषवुनी सर्व लोका बोळविले वानरां ।
प्रार्थितसे दत्तदास लावी या सत्पंथा ॥ २ ॥