हिन्दी पदे - मुरली

१
( चाल - क्यौं मन जीवन. )
कहां कहूं चतुराई । हो माई कहां ॥ध्रु.॥
थक्कित सुरबर चक्कित मुनिवर । ऐसी मुरली बजाई ॥१॥
रंग कुरंग तरंगकी लालको । लाज सुधि छुराई ॥२॥
श्रवणमनन मनमांहि दासजन । मोहनमूरत पाई ॥३॥

२
( राग - काफी; ताल - धुमाळी )
बंसिवाल रे वाला मतवाला । रिझ रहे ब्रिजबाला रे ॥ध्रु.॥
कंठमाला रे माला वनमाला । मन मोहन नंदलाला ॥१॥
ये गुवाला रे वाला हे गुवाला । ज्याके सेवक गजढाला ॥२॥

४
( राग - सारंग; ताल - त्रिताल. )
सारंगीमें सारंग रे ॥ध्रु. ॥
जंत्र गुनीजन ढोलक बाजे । चलत संगीत रंग रे ॥१॥
तानमानमें ध्यान लगावे । गावतु है श्रीरंग रे ॥२॥
रसिक मोहन बन्सी बजावे । भंगिबिना हरि दंग रे ॥३॥

५
( राग - मुलतानी; ताल - त्रिताल. )
गावनहारेकी प्रीत ॥ध्रु.॥
बन्सी बजावे सरस रस गावे । चपल मनकी रहे गत हो ॥१॥
रैन दीन नयनमो आनन । शामसुंदरकी मूरत हो ॥२॥
बहूरंग नाटक रंग जगावे । दास सज्जन जनरत हो ॥३॥

६
( राग - मारु; ताल - त्रिताल. )
मारु राग बजावे मुररीबीच ॥ध्रु.॥
शामसुंदर बदन बिराजित । चमकत मोहन आवे ॥१॥
भातभातको रागरंग लोल । कल्लोल गावे मुररीबीच ॥२॥
गोपीगोपनके संग मनोहर । दास बली बली जावे ॥३॥

७
( राग - ललित; ताल - त्रिताल. )
लाल छबीले आवे । आवे मुररी बजावे ॥ध्रु.॥
झमकत मोहनमूरत ऐसी । समजनके जन भावे ॥१॥
जान सुजान पछानत सबही । रसिक कहे समजावे ॥२॥
रसिक रैना रसिक बैना । लाल गुलाल चलावे ॥३॥