कार्तिक मास

अनोळखी उपाध्या आणि नऊपट होम

• नेहमींचा उपाध्याय असला म्हणजे त्यास यजमानाकडे वरचेवर यावयाचें असल्यामुळें तो प्रत्येक विधि करतांना जरुर तेवढेच विधि करावयाची काळजी घेतो व यजमानासहि साधारणतः कोणत्या विधीस काय लागतें याची कल्पना असते. पण अनोळखी उपाध्याय असला म्हणजे त्याला एकाच वेळीं शक्य तेवढें यजमानाकडून उकळावयाचें असतें म्हणून तो अनेक गोष्टी घुसडून देऊन यजमानाकडून बरेच जिन्नस व दक्षिणा उपटतो व यामुळें वाजवीपेक्षां अधिकच खर्च यजमानास पडतो. तेव्हां अपरिचिताशीं व्यवहार केल्यास त्यापासून स्वतःस अधिक घसच लागण्याचा संभव असतो.