श्रीपराशरजी उवाच
पुरूरवसो ज्येष्ठः पुत्रो यस्त्वायुर्नामा स राहोर्दुहितरमुपयेमे ॥१॥
तस्यां च पत्र्च पुत्रानुत्पादयामास ॥२॥
नहुषक्षत्रवृद्धरम्भरजिसंज्ञास्तथैवानेनाः पत्र्चमः पुत्रोऽभूत् ॥३॥
क्षत्रवृद्धात्सुहोत्रः पुत्रोऽभवत् ॥४॥
काश्यकाशगृत्समदास्त्रयस्तस्य पुत्रा बभूवुः ॥५॥
गृत्समदस्य शौनकश्चातुर्वर्ण्यप्रवर्तयिताभृत् ॥६॥
काश्यस्य काशेयः काशिराजः तस्माद्राष्ट्रः राष्ट्रस्य दीर्घतपाः पुत्रोऽभवत् ॥७॥
धन्वन्तरिस्तु दीर्घतपसः पुत्रोऽभवत् ॥८॥
स हि संसिद्धकार्यकरणस्सकलसम्भूतिष्वशेषज्ञानविद् भगवता नारायणेन चातीतसम्भूतौ तस्मै वरो दत्तः ॥९॥
काशिराजगोत्रेऽवतीर्य त्वमष्टधा सम्यगायुर्वेदं करिष्यसि यज्ञभागभुग्भविष्यसीति ॥१०॥
तस्य च धन्वन्तरेः पुत्रः केतुमान् केतुमतो भीमरथस्तस्यापि दिवोदासस्तस्यापि प्रतर्दनः ॥११॥
स च मद्रश्रेण्यवंशविनाशनादशेषशत्रवोऽनेन जिता इति शत्रुजिदभवत् ॥१२॥
तेन च प्रीतिमतात्मपुत्रो वत्सवत्सेत्याभिहितो वत्सोऽभवत् ॥१३॥
सत्यपरतया ऋतध्वजसंज्ञामवाप ॥१४॥
ततश्च कुवलयनामानमश्वं लेभे ततः कुवलयाश्व इत्यस्यां पृथिव्यां प्रथितः ॥१५॥
तस्य च वत्सस्य पुत्रोऽलर्कनामाभवद् यस्यायमद्यापि श्लोको गीयते ॥१६॥
षष्टिवर्षसहस्त्राणि षष्टिवर्षशतानि च । अलर्कादपरो नान्यो बुभुजे मेदिनीं युवा ॥१७॥
तस्याप्यलर्कस्य सन्नतिनामाभवदात्मजः ॥१८॥
सन्नतेः सुनीथस्तस्यापि सुकेतुस्तस्माच्च धर्मकेतुर्जज्ञे ॥१९॥
ततश्च सत्यकेतुस्तस्माद्विभुस्तत्तनयस्सुविभुस्ततश्च सुकुमारस्तस्यापि धृष्टकेतुस्ततश्च
वीतिहोरस्तस्माद्भार्गो भार्गस्य भार्गभूमिस्ततश्चातुर्वर्ण्यप्रवृत्तिरित्येते काश्य भूभृतः काथिताः ॥२०॥
रजेस्तु सन्ततिः श्रृयताम् ॥२१॥