TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

आरंभ
श्रीमद्गोविंदात्मने नमः ॥
जयजय मार्तंडमंडलवर्ती । समष्टिकरणीं तव प्रवृत्ति । विवर्त प्रकटूनि निजात्मद्युती । रोचकभ्रान्ति त्रिजगभा ॥१॥
नमो तया श्रीगोमंता । प्रणतपाळा गोपीनाथा । स्रष्टा गोप्ता उपसंहर्ता । नसे तुजपरता परिपूर्ण ॥२॥
तुझीं वंदूनि चरणकमलें । उषाहरण वाखाणिलें । नृगोद्धरण उपाइलें । तें वदविलें पाहिजे ॥३॥
तव पदपंकजस्मरणादरें । प्रज्ञा प्रमेयाङ्कुरीं मोहरे । जेंवि नौकेचिया आधारें । जड निस्तरे जलधिही ॥४॥
अगाध श्रीमद्भागवत । भाषावाख्यानीं प्रस्तुत । दशमामाजी श्रीकृष्णचरित । अध्याय कथिले त्रिषष्टि ॥५॥
चतुःषष्टितम याउपरि । वाखाणिजेल भाषाकुसरी । तो ऐकिजे पवित्र श्रोत्रीं । कैवल्यपात्रीं विपश्चित्तीं ॥६॥
चौसष्टाच्या अध्यायीं कथा । अज्ञात दोष नृगाच्या माथा । तेणें पावला अधःपाता । सरठरूपें अंधकूपीं ॥७॥
तया पापापासूनि हरि । नृगरायाचा उद्धार करी । उन्मत्त नृपांतें ब्रह्मस्वहारीं । दोषोत्तरीं शिक्षापी ॥८॥
आणि यादव जे स्वबाहुगुप्त । ऐश्वर्यभोगादिमदोद्धत । प्रसंगें यांतेंही शिक्षित । विप्रां विनीत होत्साता ॥९॥
ब्राह्मणाची अवज्ञा कोणीं । सहसा न कीजे मामकीं जनीं । भाविब्रह्मशापें करूनी । कुलक्षय जाणूनि शिक्षितसे ॥१०॥
ये अध्यायीं इतुकी कथा । स्वस्थचित्तें परिसिजे श्रोतां । परीक्षितीतें श्रीशुक वक्ता । झाला बोलता तें ऐका ॥११॥

Translation - भाषांतर
N/A

References : N/A
Last Updated : 2017-05-10T21:24:58.0070000

Comments | अभिप्राय

Comments written here will be public after appropriate moderation.
Like us on Facebook to send us a private message.

ताकांत पडली माशी, सून काही पिईना, गिर्‍हाईक काही घेईना

  • एक म्‍हातारी ताक विकीत असे. एकदा एक गिर्‍हाईक ताक विकत घ्‍यावयास आले असतां सून ते मोजून देत असतांना त्‍यांत एक माशी पडली. तेव्हां गिर्‍हाईक काही ते ताक घेईना. तेव्हां त्‍या म्‍हातारीने ते फुकट जाऊं नये म्‍हणून सुनेस पिऊन टाकण्यास सांगितले. पण माशी पडलेली असल्‍यामुळे ओकारी येईल या भीतीने सून ते पिण्यास कबूल होईना. अशा रीतीने त्‍या म्‍हातारीस मोठी पंचाईत येऊन पडली. ताक फुकट गेलेले तर तिच्याने बघवेना व सूनहि ते पिईना व गिर्‍हाईकहि घेईना. तेव्हां तिचा जीव थोडा थोडा होऊं लागला. अशा रीतीने अगदी बारीक सारीक गोष्‍टीनेहि नुकसान झालेले पाहवत नाही अशा वृत्तीच्या लोकांस अनुलक्षून ही म्‍हण वापरतात. 
RANDOM WORD

Did you know?

हिंदू धर्मियांत विधवा स्त्रिया कुंकू का लावत नाहीत?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.