मराठी मुख्य सूची|मराठी पुस्तके|तुकाराम बाबा अभंग संग्रह|जनांस शिक्षा| ५७९१ ते ५८०० जनांस शिक्षा ५५२३ ते ५५३० ५५३१ ते ५५४० ५५४१ ते ५५५० ५५५१ ते ५५६० ५५६१ ते ५५७० ५५७१ ते ५५८० ५५८१ ते ५५९० ५५९१ ते ५६०० ५६०१ ते ५६१० ५६११ ते ५६२० ५६२१ ते ५६३० ५६३१ ते ५६४० ५६४१ ते ५६५० ५६५१ ते ५६६० ५६६१ ते ५६७० ५६७१ ते ५६८० ५६८१ ते ५६९० ५६९१ ते ५७०० ५७०१ ते ५७१० ५७११ ते ५७२० ५७२१ ते ५७३० ५७३१ ते ५७४० ५७४१ ते ५७५० ५७५१ ते ५७६० ५७६१ ते ५७७० ५७७१ ते ५७८० ५७८१ ते ५७९० ५७९१ ते ५८०० ५८०१ ते ५८१० ५८११ ते ५८२० ५८२१ ते ५८३० ५८३१ ते ५८४० ५८४१ ते ५८५० ५८५१ ते ५८६० ५८६१ ते ५८७० ५८७१ ते ५८८० ५८८१ ते ५८९० ५८९१ ते ५९०० ५९०१ ते ५९१० ५९११ ते ५९२० ५९२१ ते ५९३० ५९३१ ते ५९४० ५९४१ ते ५९५० ५९५१ ते ५९६२ जनांस शिक्षा अभंग - ५७९१ ते ५८०० तुकारामबाबा आणि त्यांचे शिष्य यांच्या अभंगांची गाथा. Tags : abhangmarathisanttukaramअभंगतुक्राराममराठीसंत जनांस शिक्षा अभंग - ५७९१ ते ५८०० Translation - भाषांतर ॥५७९१॥कथेसी बैसुनी संसाराच्या गोष्टी । चांडाळ तो दृष्टी नको येथें ॥१॥चंचळ कराल अती खोडकरी । ते ही पापें थोरी नको येथें ॥२॥तुका ह्मणे भोळे भाविकांचें पायीं । ठाव मज देईं पांडुरंगा ॥३॥॥५७९२॥मायबापें केली आस । झाला बायकोचा दास ॥१॥मानी बायकोच्या बोला । सख्या भावासी अबोला ॥२॥बायकोला धटीपटी । आईच्या सोंवळयाला गांठी ॥३॥तुका ह्मणे ऐशा नरा । मोजुन माराव्या पैजारा ॥४॥॥५७९३॥निंदकाचें चित्त सदां निंदेवरी । रात्रंदिवस करी निंदा फार ॥१॥निंदा न मिळे जरि करी तळमळ । पातकी चांडाळ दुराचारी ॥२॥निंदकाचे तोंडीं साबणाची वडी । देहाची पासोडी शुद्ध केली ॥३॥निंदक हा माझा कंठिंचा ताइत । केलें तेणें हित माझें सर्व ॥४॥तुका ह्मणे थुंका त्याचे तोंडावरी । जातो यमपुरी भोगावया ॥५॥॥५७९४॥सखी ते मेहुणी टांचेंचे काळिज । सांगतसे गुज एकांताचें ॥१॥बायलेचा भाऊ सखा तो मेहुणा । नेतसे भोजना आदरेसीं ॥२॥बायलेची माय होय सखी मामी । साडी नेसा तुम्ही रेशमाची ॥३॥पाठीचा बंधू वैरीच दिसतो । वांटा तो मागतो संपत्तीचा ॥४॥पाठीची बहीण वैरीण दिसती । जाउंद्या परती सासर्याशीं ॥५॥ऐसिया पुत्रांशि काय बा करावें । घाण्यासीं जुंपावें तुका ह्मणे ॥६॥॥५७९५॥शब्दानें सांगतां देव नये हाता । शब्दा त्या कथा वाउग्याची ॥१॥मुखें जें बोलावें अंतरीं असावें । त्या देव स्वभावें जवळीच ॥२॥मुखें बोले एक अंतरीं अनेक । वायां करी शोक तुका ह्मणे ॥३॥॥५७९६॥खर जो धूतला महा तीर्थामाजी । कदां नव्हे तो जी श्यामकर्ण ॥१॥ऐसा खळा केला काय उपदेश । नव्हे तें मानस शुद्ध त्याचें ॥२॥जैसें त्या सर्पासीं पाजीयेलें पीयूष । अंतरींचें वीष जाऊं नेणे ॥३॥तुका ह्मणे क्षीरीं श्वानाचें भोजन । सवेंचि वमन होय जैसें ॥४॥॥५७९७॥उगीच गेलों पंढरपुरीला । घरीं ठाऊक नव्हतें मला ॥१॥चंद्रभागेचें रेंदा पाणी । नाहीं प्यालों वोंगळ वाणी ॥२॥गांवा भोंवतालें फिरावें । वेळे उपवासी मरावें ॥३॥टाळ मृदंगाचें घाई । माझें कपाळ उठतें बाई ॥४॥देऊळासी जातां । तोबे मारिताती हाता ॥५॥तुका ह्मणे रांडलेका । जिकडे तिकडे खासी ठोका ॥६॥॥५७९८॥जेणें केली बहुत मात ॥ ह्मणुनि नामा तो जामात ॥१॥आला जांवई ऐकोनी । सासु आनंदली मनीं ॥२॥सांगे बहुता जनांसी । आणा चला जांवयासीं ॥३॥पंक्ती ब्राह्मण नावडे । मोठें जांवयाचें कोडें ॥४॥तुका ह्मणे चित्तीं । अंतीं रांडेची फजिती ॥५॥॥५७९९॥लाभावरी ठेवुनी चित्त । असत्य करी न्याय नीत ॥१॥त्याचे पूर्वजां पतन । नरकीं किडे होती जाण ॥२॥रजस्वला त्या सुंदरा । विटाळ पाजीला पितरां ॥३॥तुका ह्मणे त्यासी । देवा मुक्ती कैसी देसी ॥४॥॥५८००॥हरिदासाचें हो घेतां दरशन । नरकासी हो जाणें उभयतां ॥१॥मातेपरिस कथा वाड । घेतां भाड लाज नाहीं ॥२॥घेतां देतां नरकवासी । उभयतांसी रवरव ॥३॥तुका ह्मणे नये गांवा । जाती हावां धरोनियां ॥४॥ N/A References : N/A Last Updated : April 08, 2019 Comments | अभिप्राय Comments written here will be public after appropriate moderation. Like us on Facebook to send us a private message. TOP