अभंग २९

राग -गारा
चाल : ‘ आनबान जियामें ’

शाम सुंदर हरी जसा ऊभा पुढे राहिला ॥
भान रहित होऊनी पाहता राहीले हरीमुखा ॥धृ॥
मग कोमल त्या चरणावरी दंडवत घातला ॥
अती आनंदाने दृढ धरीले हरीचरणाला ॥१॥
त्याक्षणी मधुर बोल कानी माझ्या पडला ॥
भक्तिप्रेमाच्या हांकेने इथे आणिले मला ॥२॥
काय तव इच्छा ती सांग झणी मला ॥
तुमच्याविणे प्रभुराया कांही नलगे मला ॥३॥
अखंड सहवास तुमचा लाभो मजला ॥
तुमच्या चरणी ठाव द्यावा झणी दासीला ॥४॥