|
वि. १ ज्याला दिसत नाहीं असा ( मनुष्य , डोळा ); अंध पहा . २ ( ल .) अज्ञानीं ; अजाणता ; चुकणारा ; विवेकशुन्य ; अविचारी ; गोंधळ्या ; अव्यवस्थित ( व्यवहार ), बेकायदेशीर ( राज्य ). ( सं . अंध ) म्ह० अंधाळा सांगे गोष्टी . बहिरा गाढव पिटी ; अंधळ्या मनीं आयतवार ( सोमवार ), बहिरा ( किंवा पांगळा ) म्हणतो माझी बायको गंर्भार . या ( परस्पर गैरसमज दाखविणार्या ) व अशा पुष्कळ म्हणी आहेत . अंधळ्याच्या गाई देव राखतो = ईश्वर गरिबा - दुबळ्यांची काळजी घेतो . अंधळ्यानें दळावें कुत्र्यानें पीठ खावे किंवा अंधळें दळतें कुत्रें पीट खातें = एकानें कष्ट करावें व भलत्यानेंच त्याचा फायदा घ्यावा अशी बेबंदशाही , अंदाधुंदी . ' यास्तव आमचें सरकारास रयतांच्या वतीनें असें निक्षुन सांगणें आहे कीं आंधळें दळतें आणि कुत्रें पीठ खातें असला प्रकार यापुढें चालावयाचा नाहीं .' - सासं २ . ३१६ . अंधळ्यापुढें नाच बहिर्यापुढें नायन = ज्याला ज्याची किंमत नाहीं त्याला ती वस्तु देणगी देणें . ( गो .) ' आंधळ्यासरी नाजून आनी भैर्यासरी गावन उपयोग किते ?' अंधळ्या बहिर्याची गांठ = प्रत्येक जण दुसर्याबद्दल गैरसमज करून घेतो अशा दोन माणसांची भेट . २ परस्परांना मदत करण्यास असमर्थ अशांची गांठ . अंधळा मागतो एकडोळा देवदेतो दोन ( दैव अनुकूल झालें असतां कधी कधीं आपल्या इच्छेपेक्षां अधिकहि देतें यांवरुन )= अपेक्षेपेक्षां अधिक मिळणें . अंधळ्यास अंधळा वाट दाखवितो = एक अज्ञानी दुसर्या अज्ञानी माणसास उपदेश करतो , मार्गदर्शक होतो ( म्हणजे दोघेही फसतात ). अंधळा रोजगार आणि मिंधा संसार = अव्ययस्थितपणामुळॆं दुसर्याचा पगडा स्वतःवर बसणें . - ळ्याच्या रस्ता - वाट - मार्ग - पु . सरळ ; रुंद व मोकळा रस्ता ; आंधळ्याला अडचणीशिवाय जातां येईल असा हमरस्ता . ०कारभार पु. अंदाधुंदीनें चालविलेलें राज्य ; बेबंदशाही ; अव्यवस्थित काम . ०डोळा पु. अंधळा माणूस ( विशेषत ; एक डोळ्यानें ) ०तिंधळा तिरळा - वि .( कों .) १ अंडगडी ; पोटगडी ; पित्या . २ ( इटीदांडुच्या खेळांतील ) दृश्या ; दोन्ही बाजूंनी खेळणारा ; रहाट्या . ३ ( लं .) दोही दगडीवर हात टेकणारा ; दुरोखी ०नारळ पु. कोंवळा नारळ ; शहाळें ; ज्यांत नुसतें पाणीच असल्यामुळें वाजत नाहीं असा . आडसर पहा . - ळ्याची काठी - १ अंधळा , अशक्त , निराश्रित यांच अपुढारी अथवा आश्रयदाता ; अंधळ्याला आधारभूत गोष्ट ( अंधळ्याला मुख्य आधार त्याच्या काठीचा असतो यावरुन ). ' या अंधावृद्धाची राहों देतास एक जरि यष्टी । भीमा , मी मानस तरि होऊं देत्यें कशास अभु कष्टी । ' - मोस्त्री ३ . ४६ . २ म्हातार्या आईबापाचा एकुलता एक मुलगा . - ळ्याची माळ - माळका - स्त्री . १ अंधळ्या लोकांची माळ , रांग . २ ( ल .) अज्ञानी व मूर्ख लोकांची परंपरा . - ळ्यांची मिंठी - स्त्री . घट्ट मिठी ; चिकटणें .- ळ्यांत काणा राजा - जेथें सर्वच अडाणी असतात तेथें थोड्याशा शहाण्याचें तेज पडतें . - ळ्यासी जन सारेंचि आंधळें - जसें आपण असतों तसेंचक जन आपल्याला दिसतें .
|