चमत्कार.चन्द्रिका

विद्या

• स्त्री. १ ज्ञान ; विद्वत्ता . विद्या याचा अर्थ ज्ञान असाच विवक्षित आहे । - गीर २७३ . २ ब्रह्मज्ञान ; ब्रह्मात्मैक्यज्ञान . यासच विद्या असेंहि म्हणतात । - गीर २७२ . ३ उपासनामार्ग ; ज्ञानप्राप्तीचें साधन . विद्या म्हणजे ईश्वरप्राप्तीचा मार्ग आणि तो ज्या प्रकरणांत सांगितला असतो त्यालाहि विद्या हेंच नांव अखेर देण्यांत येतें । - गीर २०४ . ४ कला ( चित्र , रंग वगैरे ) चौदाविद्या पहा . [ सं . विद् ‍ = जाणणें ] 
• ०गुरु पु. १ शिक्षण देणारा , शास्त्रांदि ज्ञान देणारा गुरु . परमार्थज्ञान देणारास मोक्षगुरु म्हणतात . २ अध्यापक ; कोणत्याहि विषयांत प्रावीण्य मिळवलेला विद्वान मनुष्य . 
• ०धन न. १ ज्ञानरूप संपत्ति . ऐसें एकचि विद्याधन अद्‍भूत गुण न हा दुजांत वसे । - विद्याप्रशंसा . २ अविभक्त कुटुंबांतील भागीदारानें स्वतःच्या विद्येपासून मिळविलेलें धन . हें स्वकष्टार्जित म्हणून खासगी समजलें जातें . 
• ०परिषद स्त्री. शिक्षणपरिषद . मुसलमानांची अल्लीगड येथें विद्यापरिषद भरली होती . - टि १ . २६८ .