जे जे कामना इच्छिजे । ते ते सदगुरुकृपा कीजे ॥
ज्ञान अबाधित होईजे । सिद्ध पुरुषासारिखे ॥२४१॥
वरद दत्तात्रेयाचा । कृष्णचैतन्य स्वामीचा ॥
बोध व्यंकटरमणाचा । रामचंद्राचा हस्तक ॥२४२॥
पूर्ण झाला करंजग्रामीं । विदर्भ देशामाजी स्वामी ॥
नरसिंव्हसरस्वती यति नामी । नारायणासी बोलिला ॥२४३॥
निरंजनाचा प्रताप । सिद्धि पावला संकल्प ॥
विकल्प कल्पनेचा जल्प । कदाकाळीं न व्हावा ॥२४४॥
आत्मसौख्य पूर्ण बोध । अबोल बोलणें प्रसिद्ध ॥
गुरुचरणासंनिध । कृष्णानंद बैसला ॥२४५॥
इति श्रीनरसिंव्हसरस्वतीस्वामीमहाराजकृते श्रीस्वात्मसौख्ये ग्रंथे ज्ञानकांडं संपूर्णमस्तु ॥
श्रीसदगुरुनरसिंव्हसरस्वतीस्वामीमहाराज चरणारविंदार्पणमस्तु ॥ श्रीकृष्णार्पणमस्तु ॥
हरये नमः । हरये नमः । हरये नमः ।