विशाल ग्रामातें वसविलें । आपुले स्वबुद्धि पालन केलें ॥
काय अधमत्व प्राप्त झालें । योग्य केलें म्हणोनी ॥३१॥
औदार्य अतर्काचा उदधी । स्वतः पावला मंदबुद्धी ।
मंदबुद्धी तेजोनिधी । बाह्य उपाधि विधिबाह्य ॥३२॥
मंत्रशास्त्र विवंचना । प्रगट झाली उपासना ॥
गुह्य वस्तूची वेधना । विकल्प मना न बाधी ॥३३॥
मनापरती गुह्य वस्तु । जेथे मनपवनासी अस्तु ॥
तेथीचा बोलिजे वृत्तान्तु । सकळ स्वार्थु कल्पिला ॥३४॥
अज्ञानज्ञानाची मिश्रता । तेथे होईल ऐक्य चित्ता ॥
सुहद आत्म्यापरी श्रोता । जैसा भ्राता सौमित्रा ॥३५॥
पद्मपुष्पीं भ्रमर लुब्ध । सदैव सेविताहे सुगंध ॥
मुमुक्षा लाहे तरी बोध । वेदशुद्ध बोलणें ॥३६॥
श्रवण भाविकाची गोडी । अपेक्षित पदार्थ आवडी ॥
मागुनी घेतां लज्जा सोडी । तैसी परवडी मुमुक्षा ॥३७॥
त्रिकांड ब्रह्मविद्या गहन । कर्म उपासना आणि ज्ञान ॥
विशाल नेत्रीचें अंजन । तेथुनि त्रिगुण प्रगटती ॥३८॥
उपासना विष्णुमूर्ती । सत्त्वें प्रकाशला त्रिजगतीं ॥
धारणा धरिली कारणपंथीं । अनुभवयुक्ती सज्जना ॥३९॥
कारण कारणातें प्राशी । प्रथमा म्हणावें तयासी ।
लक्षितां पंचमकारासी । विकल्पतेसी नातळे ॥४०॥