TransLiteral Foundation
Don't follow traditions blindly or don't assume a superstition either.
Don't be intentionally ignorant. Ask us!! Make Informed Religious Decisions!!

स्वात्मसौख्य - कर्मकांड ओवी संग्रह १३

श्रीस्वात्मसौख्य ग्रंथात कर्म, उपासना आणि ज्ञान या त्रिकांडात्मक विज्ञानांतील मुख्य सर्व गोष्टी सूत्ररुपाने दाखविल्या आहेत


ओवी संग्रह १३

ग्रंथीं धरावा विश्वास । कर्मकांडीचा हा कोश ॥

कोटी कर्माची विशेष । श्रोते सारांश जाणती ॥१२१॥

कृष्णचैतन्य आदिपुरुष । वदता झाला तोचि अंश ॥

कर्मशोभा त्याची ज्यास । स्वानंदभास कर्माचा ॥१२२॥

कर्मकर्ता तोचि भोक्ता । वक्ता श्रोता समानता ॥

आनंदवरदायिनी माता । सदगुरुपिता व्यंकटेश ॥१२३॥

त्याचे पोटीं बाळ सानें । कृष्णचैतन्य उदरा येणें ॥

ग्रंथ निर्माण केला तेणें । सज्जनजनें परिसीजे ॥१२४॥

फळाशा इच्छिजे मानसीं । निष्काम पठण ग्रंथासी ॥

करितां ऋद्धिसिद्धि दासी । वरदवाक्यासी जाणिजे ॥१२५॥

व्याख्यान कर्मकांड निपुण । ग्रंथीं करील अवलोकन ॥

त्याचें संतुष्ट होईल मन । सायोज्य सदन पावती ॥१२६॥

यजन, याजन, अध्ययन । अध्यापन आणि दान ॥

प्रतिग्रहाचें भूषण । कर्मषट् कोण ब्राह्मणा ॥१२७॥

हे कर्मयोग धारणा । संत मानितील या वचना ॥

इतरास हे विवंचना । अगम्य जाणा सर्वथा ॥१२८॥

सदगुरुसी शरण रिघाले । तापत्रयातें निमाले ॥

आपआपणा उमजले । सूचित झाले कर्माविषयीं ॥१२९॥

संपूर्ण झाली कर्मरचना । पुढा सांगिजे उपासना ॥

भक्तिमार्गे करुनि श्रवणा । विकल्प दूषणा निवटीजे ॥१३०॥

स्वानंद चैतन्य ग्रंथवक्ता । कृष्णानंद लेखनकर्ता ॥

स्वात्मसुखाची निजवार्ता । संतसमर्था अर्पिजे ॥१३१॥

इति श्रीनरसिंव्हसरस्वतीस्वामिमहाराजकृते श्रीस्वात्मसौख्ये ग्रंथे कर्मकांडं संपूर्णमस्तु ॥

हरये नमः । हरये नमः । हरये नमः ।

Translation - भाषांतर
N/A

References : N/A
Last Updated : 2009-10-12T06:34:19.5270000

Comments | अभिप्राय

Comments written here will be public after appropriate moderation.
Like us on Facebook to send us a private message.

garnierite

  • पु. गार्निअराइट 
  • Min. 
RANDOM WORD

Did you know?

सोळा वर्षाखालील मुलांना शनिची साडेसाती कां त्रस्त करत नाही?
Category : Hindu - Beliefs
RANDOM QUESTION
Don't follow traditions blindly or ignore them. Don't assume a superstition either. Don't be intentionally ignorant. Ask us!!
Hindu customs are all about Symbolism. Let us tell you the thought behind those traditions.
Make Informed Religious decisions.

Featured site

Ved - Puran
Ved and Puran in audio format.