निरीक्षिले म्यां बहुदेव, माये ! । ते वंदिती सर्व तुझेचि पाये ॥
सत्कीर्ति तुझी भुवनांत गाजे, । विष्णुप्रिये ! सुंदरी लोकपूज्ये ॥१॥
वाणी स्तवों काय सकेल तुला ? । उदार तुझी गुणरत्नमाला ॥
जे शोभवीती निजकंठदेशीं । ते शोभती सर्व जगीं विलासी ॥२॥
त्यांच्या घरीं सुंदरत्नशाला । स्थूणामणींच्या रचिता विशाला ॥
गजाश्च धेनू धन दासदासी । देशील तुझ्या करितां जपासी ॥३॥
माला गळां शोभति त्याजला गे । जो दास तुझ्या चरणासि लागे ॥
तन्मंदिरीं सर्वसुखा दिवाळी । महाकृपें वर्तत नित्यकाळीं ॥४॥
हंसी तशी सोज्वळ कीर्ति त्याची । विराजते केवळमानवाची ॥
तुझें महाद्वर धरोनि राहे । महत्तमे मुर्ति तुझीच पाहे ॥५॥
तयासि ते बाधिल विष्णुमाया । होयीचना; जे भजताति पायां ॥
तरोनि जाती भवसागरातें । कटाक्षमात्रें भगवत्पदातें ॥६॥
तयांसि लाभे अतिरुप जाया । विमुक्तिनाम्नी अकलंककाया ॥
विद्याच तूं त्यांप्रति मोक्षधामीं । आनंदधात्री घडतेसि लक्ष्मी ॥७॥
यथार्थ तूं क्षीरसमुद्रबाळा । प्रसिद्ध तुझी जगतींत लीळा ॥
नरासि देशी अमरत्व आयी । येथें म्हणो ये नवलाव कायी ? ॥८॥
आर्द्रा तुझी दृष्टि, सती ! विराजे । सुधा तिला देखुनि फार लाजे ॥
जरामृती वारुनि भाविकांच्या । मोक्षासे देसी असले ! त्रिवाचा ॥९॥
स्वभक्तिमंता घडसील भद्रा । नोहे तुझी प्राप्ति तया अभद्रा ॥
म्हणोनि घ्याती तव पादपद्मा । पद्मालया केवळ सौख्यसद्मा ॥१०॥
सरोज नेत्रे शतपत्रपाणी । प्रेमामृतें जीवविं विश्वखाणीं ॥
वाखाणिती वेदपुराण लीला । जिणे तुझा दास बळें कळीला ॥११॥
रामा अनंता असती सुरांच्या । न पावती त्वन्महिमेसि साच्या ॥
त्या किंकरी होउनि पाय तुझे । समचिंतां सौख्य तयां विराजे ॥१२॥
ऋद्धी घरीं होऊनि सर्व दासी । पद्मोद्भवे । सेविति त्या पदासी ॥
तुझ्या पदाब्जीं रतले तयांतें । प्रसन्न होती, हरिसी भयातें ॥१३॥
उदार ते पावति शुद्धबुद्धी । हरिप्रिये ! पावति सर्व सिद्धी ॥
त्वत्पादपंकेरुहभक्ति ज्यातें । धन्यच ये त्याचि महाकुळातें ॥१४॥
चौदापरीच्या उपजाति वृत्तें । संप्रार्थिलें म्यां हरिवल्लभेते ॥
ईशादि साम्राज्यपदीं उपेक्षा । मानुनि तुझी धरिली अपेक्षा ॥१५॥
उपेद्रराणी मकलार्थ खाणी, । दयार्णवा फुल्लसरोजपाणी ॥
प्रसन्न होते जरि सुस्तवासी । पढोनि भक्तोत्तम तो उपासी ॥१६॥
बनाजी कवी शीकवीसर्व लोकां । पढा सुस्तवा विष्णुपत्नी विलोक ॥
इहामुत्रसंपत्ति भोगा अनंता ; । मिळा मुक्त होऊनि शेखीं अनंता ॥१७॥
॥ इतिश्रीनिरंजनमाधवयोगिविरचित्तं लक्ष्मीस्तोत्रम् ॥