कष्टं स्याच्चैकरेखायां द्वाभ्यामर्थक्षयो भवेत् । त्रिभिः क्लेशं विजानीयाच्चतुर्भिः समता मता ॥१॥
पञ्चभिः क्षेममारोग्यं षडभिरर्थागमो भवेत् । सप्तभिः परमानन्दमष्टाभिः सर्वकामदम् ॥२॥
रेखास्थाने तु संप्राप्ते यदा पापशुभग्रहाः । शुभास्ते च विजानीयाद्विन्दुस्थाने च दुःखदाः ॥३॥
शुभा च कथिता रेखा बिन्दुश्च कथितोऽशुभा । समे समफलं ज्ञेयं गोचरे यदि नान्तरम् ॥४॥
यदि संस्थितरेखानां फलं पुंसां प्रजायते । लक्ष्मी भोगास्तथा सौख्यं सार्वभौमं जनेशता ॥५॥
यदि संस्थितबिन्दूनां फलं पुंसां प्रजायते । उद्वेगो हानी रोगश्च मृत्युश्चास्य क्रमेण च ॥६॥
यो ग्रहो गोचरे श्रेष्ठस्त्वष्टवर्गेषु मध्यमः । अधमस्तु दशायां हि स ग्रहो ह्यधमाधमः ॥७॥