तत्रादौ सूर्यरेखाबिन्दुफलम् ।
वर्त्तते रविरेखा च शत्रूणां च पराजयम् ।
साहसासिद्धिरेवात्र भावजेयमुपस्थिता ॥१॥
बिन्दुः सकष्टफलदको महाव्यसनकारकः ।
रोगशोकप्रदाता च नृपोद्वेगमकारणात् ॥२॥
चन्द्ररेखाबिन्दुफलम् ।
ददाति शशिरेखा च वस्त्राभरणभूषणम् ।
लभते प्रभुसम्मानं कर्मप्राप्तिमिवाम्बरम् ॥३॥
बिन्दुः कष्टफलं चैव कलहं वैरिभिः सह ।
दुःस्वप्नदर्शनं नित्यं धननाशमवाप्नुयात् ॥४॥
भौमरेखाबिन्दुफलम् ।
ददाति भौमजा रेखा अर्थप्राप्तिं सदैव हि ।
आरोग्यमायुर्वृद्धिं च कायकान्तिं प्रदापयेत् ॥५॥
बिन्दुस्तस्य फलं शश्वदुदराग्निरुजस्सदा ।
शिरःशूलःप्रजायेत रक्तपित्तरुजो भवेत् ॥६॥
बुधरेखाबिन्दुफलम् ।
बुधस्य रेखया सौख्यं मिष्टान्नं लभते सदा ।
दानधर्मरतश्चैव द्विजदेवाग्निपूजकः ॥७॥
बिन्दुर्भङ्गप्रदश्चैव कलहं वैरिभिः सह ।
दुःस्वप्नदर्शनं नित्यमवेलाभोजनं तथा ॥८॥
गुरुरेखाबिन्दुफलम् ।
रेखा जीवे जनयति सदा वित्तसौख्यादिपुष्टिं
जायाभोगं जनयति सदा शत्रुहन्ता च नित्यम् ।
मानोत्साहो विभवमतुलं वस्त्रहेमादिवृद्धिं
प्राप्यं सौख्यं भवति ह्यतुलं बन्धुवर्गौपहारम् ॥९॥
बिन्दुः कष्टं विगतधनधीर्मानसं वित्तचिन्ता
मार्ग भङ्गं जनयति सदा पातनं वाहनाद्वा ।
लोकादिष्टं भवति कलहं वाङमयेनापमानं
शत्रुद्वेषं व्ययमपि सदा साहसात्कार्यहानिः ॥१०॥
शुक्ररेखाबिन्दुफलम् ।
शुक्रे रेखा जनयति नरं राज्यसम्मानवृद्धिं
कन्यालाभं सुसुखवपुषं दीर्घामायुश्च धत्ते ।
कैश्चित्क्रीडा भवति बहुधा ज्ञानमेकार्थसिद्धिं
लक्ष्मीलाभं जनयति सुखं सौख्यसंपत्तिवृद्धिम् ॥११॥
बिन्दुः कष्टं भवति हि रिपोर्वित्तनाशपदात्री
जायापीडा कलहमतुलं भूमिनाशं च कष्टम् ।
बुद्धिभ्रंशं व्ययमति सदा पातनं वाजिभिर्वा
मार्गे भङ्गं जनयति सदा सर्वकालं जनानाम् ॥१२॥
शनिरेखाबिन्दुफलम् ।
सौरे रेखा जनयति फलं मृत्युहेत्वर्थसंपत्
कार्ये प्राप्तिं नृपतिसचिवं साधुसंपर्कदाता ।
भूमिप्राप्तिं कितवजयतास्नानदानार्च्चनेषु
मिष्टान्नं स्यान्नृपतिवरदं धान्यसस्येषु वृद्धिः ॥१३॥
बिन्दुः कष्टं नृपतिभयदं बन्धुपीडा विवृद्धा
धातोः शस्त्रैर्विषमपतितैर्वित्तसंहारकर्ता ।
चित्तोद्वेगो भवति बहुधा भूमिनाशं कलिं वा
बुद्धिभ्रंशो भवति च सदा वाहने हानिरेव ॥१४॥