नवोर्ध्वगानि धिष्ण्यानि नव तिर्यग्गतानि च । अधोगतानि धिष्ण्यानि नव चैव विनिर्दिशेत् ॥१॥
चतुर्नाडीकृतो वेधो जन्मनक्षत्रयोगतः । सर्पाकारं च वक्रं च कालचक्रं प्रजायते ॥२॥
त्रीणि मध्यगतर्क्षाणि तानि कालमुखानि च । कोणस्थिते चन्द्रधिष्ण्ये तच्च दंष्ट्राद्वयं मतम् ॥३॥
दिनर्क्षमादितः कृत्वा नामर्क्ष यत्र संस्थितम् । मुखदंष्ट्रागते मृत्युः शुभमन्यत्र संस्थिते ॥४॥
ज्वरे च नष्टदंष्ट्रे च विवादे विग्रहे रणे । कालदंष्ट्रास्यगं नाम यस्य तस्य महद्भयम् ॥५॥