शनिचक्रं नराकारं लिखित्वा सौरिभादितः । नामऋक्षं भवेद्यत्र ज्ञेयं तत्र शुभाशुभम् ॥१॥
नक्षत्रमेकं च शिरोविभागे तथा मुखे त्रीणि युगं च गुह्ये । नेत्रे च नक्षत्रयुगं त्दृदिस्थं भूपञ्चकं वामकरे चतुष्कम् ॥२॥
वामे च पादे त्रितयं च भानां भानां त्रयं दक्षिणपादसंस्थम् । चत्वारि ऋक्षाणि च दक्षिणेतरे पाणौ प्रणीतं मुनिनारदेन ॥३॥
रोगो लाभो हानिराप्तिश्च सौख्यं बन्धः पीडा सत्प्रयाणं च लाभः । मान्दे चक्रे मार्गगे कल्पनीयं तद्वैलोम्याच्छीघ्रगे स्यात्फलानि ॥४॥